Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xj.

1

DAr was auer eęn kranck [mit name] Lazarus van Bethanien, wt der vlecken Marie end hœrer zuster Marthe.

2

(^* Maria auer was het die den Heęr ghezalft had mit zaluen, end zyne voeten ghedrooght mit hœrem hare, welcker broeder Lazarus kranck was.)

* Matt.26.a.6 Marc.14.a.3 Luc.7.f.37 Ioan.12.a.3

3

Zo schickten zyne zusters tot hem wt, end zeyden: Heęr, zie, den du lief hebst, die is kranck.

[p. 178v]

4

Doe auer Iesus dat hoorde, zeyde hy: Deze kranckheyt is niet ten dood, ^* mer ter eęre Godes, op dat de Zoon Godes daerdoor gheeęrt werde.

* Ioan.9.a 3

5

Iesus auer had Martham lief, end hœr zuster end Lazarum.

6

Als hy nu hoorde dat hy kranck was doe bleef hy tweę daghen ter zeluer plaetsen daer hy was.

7

Auer daerna zegt hy tot zynen leęriongheren: Latet ons weder in Iudéam trecken.

8

Zyne leęrionghers zegghen tot hem: Rabbi, ^* de Iœden zochten onlangs dy te steęnighen, end gaast du dar weder hén?

* Ioan.8.g.59 end .10.f.31

9

Iesus andwordde: Zijn dar niet twælf vren des daghs? zo iemand des daghs wandelt, die stoott zick niet: ⁺ want hy ziet het licht dezer wæreld.

+ B

10

Zo auer iemand des nachts wandelt, die stoott zick: want het licht is niet in hem.

11

Zulcks zeyde hy, end daerna zegt hy tot hen: Lazarus onze vriend ^* slaapt, auer ick ga hén, dat ick en van dem slape opwecke.

* Matt.9.c.25 Marc.5.d.39 Luc.8.g.52

12

Zo zeyden zyne leęrionghers: Heęr is hy entslapen, zo zal hy ⁺ ghezond werden.

+ Gr. beholden

13

Iesus auer sprack van zynem dood: zy auer meynden dat hy van der entslapinghe des slaaps zeyde.

14

Alsdan zo zeyde hen Iesus vrij hærwt: Lazarus is ghestoruen.

15

End ick verurœghe my om uwent willen, dat ick aldaer niet was, op dat

[p. 179r]

ghy gheloouet: mer latet ons tot hem hén gaen

16

Zo zeyde Thomas ghenaemt tweęlingk, tot den medeleęriongeren: Latet ons oock hén gaen, op dat wy mit hem stæruen.

17

Doe quam Iesus, end vand en dat hy alrede vier daghen in dem grafsteęn gheleghen had.

18

⁺(Bethania auer was naby Hierusalem, by vijftien stadywijdden.)

+ C

19

End vele Iœden waren tot Martham end Mariam kommen, ze te troosten ouer hœrem broeder.

20

Als Martha nu hoorde dat Iesus quam ghingk zy hem enteghen: Maria auer zat im huyze.

21

Zo zeyde Martha tot Iesu: Heęr, hadst du hier gheweeßt, mijn broeder ware niet ghestoruen.

22

Auer ick weet oock nu, zo wat du begærest van Gode, dat het dy God gheuen zal.

23

Iesus zegt tot hœr: Dijn broeder zal opstaen.

24

Martha zegt tot hem: Ick weet dat hy opstaen zal ^* in der opstandinghe ten wtersten daghe.

* Dan.12.a.2 Luc.14.c.14 Ioan.5.e.29

25

Iesus zegt tot hœr: Ick bin de opstanding end ^‡ het leuen: ^* Wie in my ghelooft, die zal leuen wenn hy oock schoon ghestoruen ware.

‡ Ioan.1.a.4 end .14.a.6

* Ioa.3.b.16.d 36 end .6.e.47 1.Ioan.5.b.10

26

^‡ End zo wie dar leeft, end in my ghelooft, die zal gheęnßinns stæruen in eęwigheyt. Gheloofst du dat?

‡ Ioan.6.f.51

27

Zy zegt tot hem: Heęr, Ia: ^* Ick heb ghelooft dat du bist de ⁺ Ghezalfde

* Mat.16.b.16 Marc.8.c.29 Luc.9.c.20 Ioan.6.g.69

+ Christus.

[p. 179v]

de Zoon Godes, die in de wæreld toekommstigh was.

28

End doe zy dit ghezegt hadde, ghingk zy hén, end riep hœr zuster Maria heymelick end zeyde: ⁺ De Leęrmeęster is hier, end roupt dy.

+ D

29

De zelue als zy dat hoorde, stond haestlick op end kommt tot hem.

30

Iesus auer was noch niet in de vlecke kommen, mer was ter plaetsen daer hem Martha entmoett was.

31

De Iœden dan die by hœr im huyze waren, end ze troostden, doe zy zaghen Mariam dat zy haestlick opstond end hénwt ghingk, volghden zy hœr na, end zeyden: Zy gaet hén tot dem grafsteęn, op dat zy aldaer weęne.

32

Als nu Maria quam daer Iesus was, end hem zagh, viel zy hem ten voeten, end zeyde tot hem: Heęr, hadst du hier gheweeßt, mijn broeder ware niet ghestoruen.

33

Als nu Iesus ze zagh weęnen, end de Iœden [oock] weęnen die mit hœr quamen, grimmde hy zeęr in dem gheęst, end beroerde zick zeluen,

34

End zeyde: Waer hebbet ghy en hén ghelegt? Zy zegghen tot hem: Heęr, komm, end zie het.

35

^* Iesus weęnde

* Luc.19.f.41

36

⁺Zo zeyden de Iœden: Zie, hoe lief had hy en.

+ E

37

Zommighe auer onder hen zeyden: Deze ^* die des blinden ooghen opende, konde hy niet maken dat oock deze niet storue?

* Ioan.9.a.6

[p. 180r]

38

Zo grimmde Iesus weder in hem zeluen, end quam tot dem grafsteęn: Het was auer eęn holl, end eęn steęn was daerop ghelegt.

39

Iesus zegt: Nemet den steęn af. Martha, de zuster des ghestoruenen zegt tot hem: Heęr, hy stinckt alrede: want hy is vierdaghigh.

40

Iesus zegt tot hœr: Heb ick dy niet ghezegt zo du gheloouest, du zalt zien de heęrlicheyt Godes?

41

Zo namen zy den steęn af daer de ghestoruen ghelegt was. Iesus auer slough de ooghen opward, end zeyde: Uader, ick dancke dy dat du my ghehoort hebst.

42

Ick auer wist dat du my altijd hoorest: ^* mer om der scharen willen die omm hær staet, heb ick’t ghezegt, op dat zy gheloouen dat du my hebst wtghezonden.

* Ioan.12.e.30

43

End doe hy dit ghezegt had, riep hy mit luyder stemmen: Lazare, komm hærwt.

44

⁺End de ghestoruen quam hærwt, ghebonden mit grafdoucken an den voeten end den handen, end zijn anghezicht was mit eęnem zweętdouck verbonden. Iesus zegt tot hen: Ontbindet en, end latet en gaen.

+ F

45

Menighe dan der Iœden die tot Maria kommen waren, end angheschauwt hadden, wat Iesus ghedaen had, gheloofden an hem.

46

Zommighe auer wt hen ghinghen hén tot den Phariséeren, end zeyden hen wat Iesus ghedaen hadde.

47

^* Zo verzamelden de Ouerpriesters

* Mat.26.a.3 Mar 14.a.1 Luc.22.a.2 Psal.2.a.2 Act.4.e 27

[p. 180v]

end de Phariséers eęnen raad, end zeyden: ^* Wat doen wy? want deze mensch doet vele teękens.

* Ioan.12.c.19

48

Laten wy en alzo, zo zullen zy alle an hem gheloouen: end de Romeynen zullen kommen, end nemen ons land end luyden.

49

Eęn auer onder hen [ghenaemt] Caiaphas, die dar des zeluen iaars was Ouerpriester, zeyde tot hen: Ghy wetet niets,

50

End ghy ouerdencket niet ^* dat het ons nutt is dat eęn mensch stærue vœr het volck, end dat niet het gansche volck verga.

* Ioan.18.c.14

51

Dit auer zeyde hy niet wt hem zeluen, mer dewijl hy des zeluen iaars Ouerpriester was, ⁺ propheteerde hy dat Iesus zolde stæruen vœr het volck:

+ G

52

End niet alleęnlick vœr het volck, mer op dat hy de verstroeyde kinders Godes by eęn verzamelde.

53

Auer van dem zeluen daghe an raadslaghden zy t’zamen, hoe zy en doodden.

54

Zo wandelde nu Iesus niet meęr vrijlick onder den Iœden, mer ghingk van daer hén in eęn plaetß by der woestijne, in eęn stad ghenaemt Ephraim: end had zynen wandel aldaer mit zynen leęriongheren

55

Het Pascha auer der Iœden was naby: end dar ghinghen menighe hénop na Hierusalem wt dem landbegrijp voor dem Pascha, op dat zy zick reynighden.

56

^* Doe zochten zy Iesum, end zeyden onder den anderen, dar zy in dem tem-

* Ioan.7.b.7

[p. 181r]

pel stonden: Wat dunckt v, dat hy niet kommen is op het feęst?

57

^* De Ouerpriesters auer end de Phariséers hadden eęn ghebod laten wtgaen, zo iemand wiste waer hy ware, dat hy’t te kennen gaue, op dat zy en gheuanglick namen.

* Ioan.9.c.22 end .12.f.42.