Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

[p. 160v]

1

DOe nu de Heęr bekende dat de Phariséers ghehoort hadden dat Iesus meęr leęrionghers maeckte ^* end doopte, dan Ioannes,

* Ioan.3.c.22

2

(Hoewel Iesus zelue niet doopte, mer zyne leęrionghers)

3

Uerliet hy Iudéam, end ghingk wederom hén in Galiléam.

4

Hy moest auer door Samarien reyzen.

5

Zo quam hy in eęn stad Samarie, ghenaemt Sichar, na by dem landeken ^* dat Iacob zynem zone Ioseph gaf.

* Gene.33.d.19 end .48.c.22. Iosu.24.g.32

6

Aldaer auer was Iacobs springbornn. Doe nu Iesus moede was van der reyze, zat hy alzo op dem springbornn: Het was omtrent der zester vren.

7

Doe kommt dar eęn vrauw wt Samarien water te scheppen. Iesus zegt tot hœr: Gheef my te drincken.

8

(Want zyne leęrionghers waren hén in de stad ghegaen, spijß te koopen.)

9

Zo zegt dan de Samaritische vrauw tot hem: Hoe begærst du van my te drincken, zo du doch eęn Iœde bist, end ick eęn Samaritische vrauw? ^{+ *} Want de Iœden hebben gheęn ghemeynschap mit den Samariteren.

+ B

* Ioan.8.f.48

10

Iesus andwordde end zeyde tot hœr: Wenn du wistest de gaue Godes, end wie hy is die tot dy zegt, ⁺ Gheef my te drincken: du begærdest van hem, end hy gaue dy ^* leuendigh water.

+ B

* Iere.2.c.13

11

De vrauw zegt tot hem: Heęr, du hebst gheęnen eemer, end de putt is diep: waerhær dan hebst du leuendigh water?

[p. 161r]

12

Bist du doch meęrder dan onze vader Iacob, die ons den putt ghegheuen heeft, end hy heeft daerwt ghedroncken end zyne kinders end zijn veę?

13

Iesus andwordde end zeyde tot hœr: Zo wie dezes waters drinckt, dem zal weder dorsten:

14

^+* Zo wie auer des waters drincken zal dat ick hem gheuen zal, dem zal in eęwigheyt niet dorsten: ^‡ mer het water dat ick hem gheuen zal, zal in hem eęn springbornn des waters werden, dat dar springt in het eęwigh leuen.

+ C

* Ioan.3.b.16 end .6.c.27.f.54

‡ Ioan.7.f.38

15

De vrauw zegt tot hem: Heęr, gheef my dat zelue water, op dat my niet dorste, end dat ick niet meęr hær komme te scheppen.

16

Iesus zegt tot hœr: Ga hén, roup dynen mann, end komm hær.

17

De vrauw andwordde, end zeyde: Ick heb gheęnen mann. Iesus zegt tot hœr: Du hebst wel ghezegt, ick heb gheęnen mann:

18

Want du hebst vijf mannen ghehadt. end den du nu hebst, die is niet dijn mann: dit hebst du mit waerheyt ghezegt

19

De vrauw zegt tot hem: Heęr, ^* ick zie dat du eęn Propheet bist.

* Luc.7.c.16 end .24.c.18 Ioan.6.b.14

20

Onze vaders hebben op dezem bergh anghebeden: end ghy zegghet ^‡ dat te Hierusalem de plaetß zy daer men anbidden moet.

‡ Deut.12.b.5 3.Reg.9.a.3 2.Para.7.c.12

21

Iesus zegt tot hœr: Urauw, gheloof my, de vre kommt dat ghy noch op dezem bergh, noch te Hierusalem den Uader anbidden zullet.

[p. 161v]

22

^* Ghy anbiddet dat ghy niet wetet: wy anbidden dat wy weten: ^‡ Want de Zaligheyt is wt den Iœden.

* 2.reg.17.e.29

‡ Gen.12.a.3 end .18.c.18 end 22.d.18 end 26.a.4. Hebr.7.c.14

23

Auer de vre kommt, end is nu, dat de waerachtighe anbidders zullen den Uader anbidden im Gheęst end waerheyt: ⁺ want oock de Uader ⁺ begært alzulcke die hem anbidden.

+ D

+ Gr. zouckt

24

^* God is eęn Gheęst, end die hem anbidden, moeten hem im Gheęst end waerheyt anbidden.

* 2.Cor.3.d.17

25

De vrauw zegt tot hem: Ick weet dat Messias, die dar heett ⁺ Ghezalfde, toekommstigh is: wanneęr die ghekommen zal zijn, zo zal hy’t ons alles verkondighen.

+ Christus

26

Iesus zegt tot hœr: ^* Ick bin’t, die mit dy spreke.

* Ioan.9.g.37

27

End ouer dezem quamen zyne leęrionghers, end verwonderden zick dat hy mit eęner vrauwen sprack: nochtans zeyde niemand, Wat vraegst du? of, wat spreeckst du mit hœr?

28

Doe liet de vrauw hœr waterkruyck staen, end ghingk hén in de stad, end zegt tot den luyden:

29

Kommet, ziet eęnen mensch die my ghezegt heeft alles wat ick ghedaen heb. Is deze doch niet de Ghezalfde?

30

Doe ghinghen zy wt der stad, end quamen tot hem.

31

Daerentusschen auer baden hem de leęrionghers, end zeyden: Rabbi, eet.

32

Hy auer zeyde tot hen: Ick heb eęn spijß te eten waer van ghy niet wetet.

33

Doe zeyden de leęrionghers onder den anderen: ⁺ Heeft hem doch iemand

+ E

[p. 162r]

te eten ghebracht?

34

Iesus zegt tot hen: Mijn spijß is dat ick doe den wille deß, die my ghezonden heeft, end volbringe zijn werck.

35

Zegghet ghy niet, Het zijn noch vier maenden, end de ooghst zal kommen? Zie, ick zeg v, Heffet uwe ooghen op, end anschauwet de velden, ^* want zy zijn alrede witt ten ooghst.

* Matt.9.d.37 Luc.10.a.2

36

End wie dar mayt, die entfangt loon, end [die dar zayt] zamelt vrucht ten eęwighen leuen: op dat oock de zayer te gelijck zick verblijde, end oock de mayer.

37

Want hierin is de sprœck waerachtigh: Eęn ander is het die dar zayt, end eęn ander is het die dar mayt.

38

Ick heb v wtghezonden te mayen dat ghy niet hebbet gearbeydt: andere hebben ghearbeydt, end ghy zijt in hœren arbeyd inghegaen.

39

Dar gheloofden auer an hem vele der Samariteren wt der zeluer stad om der vrauwen word willen, die dar tuyghde, Hy heeft my ghezegt alles wat ick ghedaen heb.

40

⁺Als nu de Samariters tot hem quamen, baden zy hem dat hy by hen bleue: end hy bleef aldaer tweę daghen.

+ F

41

End veel meęr luyden gheloofden om zijns words willen,

42

End zeyden tot der vrauwen: Wy gheloouen nu niet meęr om dyner rede willen: ^* want wy hebben’t zelue ghehoort, end weten dat deze waerachtlick is de ⁺ Ghezalfde der wæreld Zalighmaker.

* Ioan.17.b.8

+ Christus

43

Auer na tweęen daghen toogh hy van

[p. 162v]

daer wt, end ghingk hén in Galiléam.

44

Want Iesus had zelue ghetuyght, ^* dat eęn Propheet in zynem eyghenen vaderlande gheęn eęr heeft.

* Matt.13.g.57 Marc.6.a.4 Luc.4.d.24

45

Doe hy nu in Galiléam quam, namen hem de Galiléers op, dewijl zy ghezien hadden alles wat hy te Hierusalem op het feęst ghedaen had. Want zy waren oock op het feęst kommen.

46

Zo quam Iesus wederom tot ^* Cana in Galiléa daer hy het water had tot wijn ghemaeckt. Dar was auer eęn kœningshouelingk, welckes zoon kranck was te Capernaum.

* Io.2.a.1.b.11

47

⁺Doe deze hoorde dat Iesus kommen was van Iudéa in Galiléam, ghingk hy hén tot hem, end bad hem dat hy hénaf quame, end zynen zoon ghezond maeckte: want hy was doodkranck.

+ G

48

Zo zeyde Iesus tot hem: ^* Ten zy dat ghy teękens end zeldßame wonderheyden ziet, zo gheloouet ghy niet.

* 1.Cor.1.c.20

49

De kœningshouelingk zegt tot hem: Heęr, komm hénaf eęr mijn kindeken stærue

50

Iesus zegt tot hem: Ga hén, dijn zoon leeft. End de mensch gheloofde dem worde dat hem Iesus zeyde, end ghingk hén.

51

Doe hy auer hénaf ghingk, entmoettden hem zyne dienstknechten, end boodschapten [hem] end zeyden: Dijn kind leeft.

52

Zo vraeghde hy van hen de vre in welcker het beter mit hem gheworden was. End zy zeyden tot hem: Ghisteren ter zeuender vren verliet hem de kortß.

53

Doe mærckte de vader dat het ter zeluer vren [ware], in welcker Iesus hem

[p. 163r]

ghezegt had: Dijn zoon leeft. End hy gheloofde end zijn gansche huyßghezinn.

54

Dit ander teęken dede Iesus andermael, doe hy wt Iudéa in Galiléam quam.