Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xxiij.

1

⁺ ENd hœre gansche menighte stond op, end leydde hem tot Pilato:

+ Matt.27.a.2 Marc.15.a 1 Ioan.18.e.28

2

End begonnen hem te verklaghen, end zeyden: Dezen hebben wy beuonden dat hy het volck verkeęrt ^* end verbiedt beschattinghen eęnem Keyzer te gheuen ^‡ end zegt, hy zy ⁺ eęn Ghezalfde kœningk.

* Matt.17.d.25 end .22.b.21 Rom.13.b.7

‡ Act.17.b.7

+ Christus eęn Kœningk.

3

^* Pilatus auer vraeghde hem, end zeyde: Bist du de Kœningk der Iœden? Hy auer andwordde hem, end zeyde: Du zegst het.

* Matt 27.b.11 Mar.15.a.2 Ioan.18.f.33

4

End Pilatus zeyde tot den Ouerpriesteren end den scharen: Ick vinde gheęn schuld in dezem mensche.

5

Zy auer hieuen deß te stærcker an, end zeyden: Hy beroert het volck daermede dat hy leęrt door het gansche Iœd-

[p. 150r]

sche land, end heeft begonnen van Galiléen tot hærtoe.

6

Doe auer Pilatus van Galiléen hoorde, vraeghde hy of hy eęn Galileesch mensch ware.

7

^+* End als hy vernam dat hy wt der heęrschappy Herodiß was, verzand hy hem tot Herodes, welcker oock zelue ten dien daghen te Hierusalem was.

+ B

* Luc.3.a.1

8

^* Doe auer Herodes Iesum zagh, verblijdde hy zick zeęr: want hy had hem ouer langhe tijd gærn ghezien, om dat hy veel van hem hoorde: end hoopte dat hy eęnigh teęken van hem zolde zien gheschiehen.

* Luc,9.a.7

9

End vraeghde hem mit velen reden: Hy auer andwordde hem niets.

10

Auer de Ouerpriesters end de Schriftgheleęrden stonden dar by, end verklaeghden hem hard.

11

Auer Herodes mit zynen hærscharen verachtde end bespottde hem: end na dem hy hem mit eęnem blinckenden kleęde bekleędt hadde, zand hy hem weder tot Pilato.

12

End ten zeluen daghe wurden Pilatus end Herodes gheurienden mit malckanderen: want te voren hadden zy in viandschap gheweeßt tot malckanderen.

13

^* Pilatus auer riep de Ouerpriesters end de Ouersten end het volck te hoop, end zeyde tot hen:

* Matt.27.c.23 Marc.15.b.14 Ioan.18.g.38 end .19.a.4

14

Ghy hebbet my dezen mensch anghebracht, als eęnen afwender des volcks, end zie, ick heb hem voor v onderuraeght, end

[p. 150v]

vinde an dezem mensche gheęn schuld der dinghen waerin ghy hem verklaghet.

15

⁺Ia noch oock Herodes: want ick heb v verzonden tot hem: end zie, an hem is niets gheschiedt dat des doods wærd zy.

+ C

16

Daerom zal ick hem tuchtighen, end entslaen.

17

^* Hy moest hen auer eęnen entslaen na ghewoonheyt des feęsts.

* Matt.27.b.15 Marc.15.a.6 Ioan.18.g.39

18

Zy auer kreeschen wt mit der ganscher menighte, end zeyden: ^‡ Neem dezen hénwegh, entsla ons auer Barabbam.

‡ Act.3.c.14

19

Welcker was om eęns oproers, die in der stad gheschiedt was, end om eęns doodslaghs willen, in gheuangheniß gheworpen.

20

Zo riep Pilatus wederom tot hen, end wolde Iesum entslaen: Zy auer riepen teghen, end zeyden: Cruycigh, cruycigh hem.

21

End hy zeyde derdemael tot hen: Wat heeft deze doch quaads ghedaen? ick beuinde gheęn schuld des doods an hem: Daerom wanneęr ick hem ghetuchtight zal hebben, zal ick en entslaen.

22

Zy auer hielden an mit luyder stemmen, end eyscheden dat hy ghecruycight wurde: end hœre end der Ouerpriesteren stemmen hieuen stærcker an.

23

^* Pilatus auer ordeęlde dat hœre eysch gheschiehen zolde.

* Matt.27.c.26 Marc.15.b.15 Ioan.19.c.16.

24

⁺End entslough hen den, die om des oproers end doodslaghs willen was in de geuangniß gheworpen, welcken zy eyscheden: auer Iesum ouergaf hy hœrem wille.

+ D

25

^* End als zy hem hén leydden, grepen

* Matt.27.d.32 Marc.15.b.21

[p. 151r]

zy eęnen zekeren Simon van Cyrenen, die dar quam van dem velde: end leyden hem het cruyß op, dat hy het Iesu nadroughe.

26

Hem volghde auer na eęn groote menighte volcks, end vrauwen, welcke oock hem beklaeghden end beweęnden.

27

Iesus auer wand zick omm tot hen, end zeyde: Ghy dochters van Hierusalem, weęnet niet ouer my, mer weęnet ouer v zeluen, end ouer uwe kinders.

28

Want zie, de daghen kommen in welcken men zegghen zal: Gheluckzaligh zijn de onuruchtbare, end de buycken die niet gheboren hebben, end de borsten die niet ghezooght hebben.

29

Dan zullen zy zegghen tot den berghen: ^* Uallet ouer ons, end tot den hœuelen, Decket ons.

* Esa.2.d.19 Osee.10.b.8 Apoc.6.d.16 end .9.b.6

30

^‡ Want zo men dit doet an dem vochtighen holte, wat zal an dem dorren ghewerden?

‡ 1.Pet.4.d.17

31

^+* Dar wurden auer oock tweę andere welcke mißdaders waren, mit hem gheleydt, dat zy gbedoodt wurden.

+ E

* Ioan.19.c.18

32

^* End als zy quamen an de plaetß die dar heett de Hoofdscheelplaetß, aldaer cruycighden zy hem, end de mißdaders, den eęnen ter rechter, den anderen auer ter lincker hand.

* Matt.27.g.33 Marc.15.b.22

33

Iesus auer zeyde: ^* Uader, laet hen quijt: want zy weten niet wat zy doen. ^‡ End zy bedeęlden zyne kleęders, end worpen het lot [daerouer].

* Act.7.g.60 1.Cor.4.c.12

‡ mat,27.d.34 Mar.15.b.24 Ioan.19.d.23 Psal.22.d.19

34

End het volck stond, end schauwde toe, De Ouersten auer ⁺ schimpten oock zampt hen, end zeyden: Hy heeft anderen

+ Gr. runßelden de naaß

[p. 151v]

beholden, hy beholde zick zeluen, is hy ⁺ de Ghezalfde, die wtuerkoren Godes.

+ Christus.

35

Hem auer bespottden oock de krijgsluyden, ghinghen toe, end boden hem edick an,

36

End zeyden: Bist du de kœningk der Iœden, behold dy zeluen.

37

^* Dar was auer oock eęn opschrift bouen hem gheschreuen mit Grieckschen, end Romeynschen end Hebreeschen letteren: DEZE IS DE KONINGK DER IODEN

* Matt.27.d.36 Marc.15.c.26 Ioan.19.d.19.

38

Auer der mißdaderen ęen, die dar ghehanghen waren, lasterde hem, end zeyde: Bist du de Ghezalfde, behold dy zeluen end ons.

39

⁺De ander auer andwordde, bestrafte hem, end zeyde: Ureęzest du dy oock niet voor Gode, die du doch in ghelijcker verdommenisse bist?

+ F

40

End wy ia ten rechten [zijn daerin]: want wy entfanghen wat onzer daden wærd is: deze auer heeft niets onschicklicks ghedaen.

41

End hy zeyde tot Iesu: Heęr, ghedenck myner, wanneęr du in dijn kœningkrijck kommest.

42

End Iesus zeyde tot hem: Amen ick zeg dy: Huyden zalt du by my in dem paradijze zijn.

43

^* Het was auer omtrent der zester vren: end dar ward eęn duysterniß ouer de gansche ærde, tot an de neghende vre.

* mat.27.e.44 Marc.15.c.33

44

End de zonn ward verduystert, end de voorhangk des tempels schœrde midden entweę.

45

End Iesus riep mit luyder stemmen,

[p. 152r]

end zeyde: Uader ^* in dyne handen ⁺ zal ick mynen gheęst beuelen. End als hy dit ghezegt had, gaf hy den gheęst op.

* Psal.31.b.6. Act.7.g.59

+ anders. beuele ick etc.

46

^‡ Doe auer de Honderdhoofdmann zagh wat dat gheschiedde, preeß hy God, end zeyde: Waerlick deze mensch was gherechtigh.

‡ Mat.27.f.53 Marc.15.c.39

47

⁺End alle de scharen die te hoop kommen waren tot dezem schauwhandel, end anschauwden wat dar gheschiedde, sloughen zick an hœre borsten, end keęrden weder.

+ G

48

Auer alle zyne bekenden stonden van verr, end de vrauwen die hem t’zamen wt Galiléa waren nagheuolght, end zaghen dit an.

49

^* End zie, eęn mann mit name Ioseph, welcker eęn raadsheęr was, eęn goed end gherechtigh mann,

* Matt.27.f.56 Mar.15.d 43 Ioan.19.g.38

50

Deze had niet bewillight in hœren raad end handel, [hærkomstigh] van Arimathéa eęner stad der Iœden, welcker oock zelue op het kœningkrijck Godes wachtde,

51

Deze ghingk tot Pilato, end begærde het lichaem Iesu:

52

End doe hy dat afghetoghen had, wand hy het in eęn fijn lijnwaad, ^* end leyde het in eęnen wtghehauwen grafsteęn, waerin noch niemand oyt ghelegt was.

* Mat.12.d.40 end .26.a.11. end .27.g.59 Mar.15.d.46

53

End het was de dagh der voorbereyding, end de Sabbath begann an te breken.

54

Doe auer nagheuolgt waren de vrauwen ^* die mit hem kommen waren wt Galilea, beschauwden zy den grafsteęn, end hoe zijn lichaem ghelegt was.

* Luc.8.a.2

55

Zy keęrden auer weder, end bereyd-

[p. 152v]

den specery end zalue: end den Sabbath ouer waren zy still na dem ghebode.