Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xxj.

[p. 144v]

1

⁺ DOe hy auer opzagh, zagh hy de rijcken hœre gauen wærpen in ^* de schattkiste:

+ marc.12.d.41

* 2.Re.12.b.9

2

Hy zagh auer oock eęn arme weduwe daerin tweę stucklingskens wærpen,

3

End zeyde: Waerlick ick zeg v ^* dat deze arme weduwe meęr heeft ingheworpen, dan zy alle.

* 2.Cor 8.b.12

4

Want alle deze hebben tot den gauen Godes gheworpen wt dem, dat hen ouerschiett: deze auer heeft van hœrer nooddurft de gansche leeftoght die zy had, ingheworpen.

5

^* End doe dar zommighe zeyden van dem tempel, dat hy verciert ware mit schoonen steęnen end ciergauen, zeyde hy: ^* De daghen zullen kommen, in welcken van dem dat ghy anschauwt, ⁺ steęn op steęn niet ghelaten zal werden, die niet afghebroken werde.

* Matt.24.a.1 Marc.13.a.1

* Luc 19.g.44 1.Reg.9.b.8 Mich.3.d.12

+ B

6

Zy auer vraeghden hem, end zeyden: Leęrmeęster, wanneęr zal dit doch gheschiehen? end wat teęken [zal dar zijn] wanneęr dit gheschiehen zal?

7

^* Hy auer zeyde: Ziet toe dat ghy niet veruoert werdet: ^‡ Want vele zullen kommen in mynem name, end zegghen: Ick bin’t, end de tijd is naby kommen: Daerom volghet hen niet na.

* Mat.24.a.4 Iere.29.b.8 Ephes.5.b.6 Colos.2.d.18 2.Thes.2.a.2 1.Ioan.4.a.1

‡ Ier.14.c.14 end .23.d.21

8

Wanneęr ghy auer hooren zullet van krijghen end oproeren, zo verslaet v niet: want zulcks moet te voren gheschiehen: mer het ende is noch niet zo haest daer.

9

Doe zeyde hy tot hen: ^* Dar zal volck teghen volck opstaen, end kœningkrijck teghen kœningkrijck:

* Esa.9.a.2 4.Esd.13.e.31 end .15.a.15

[p. 145r]

10

⁺End groote ærdbeuinghen zullen zijn in verscheiden plaetsen, end honghernooden, end pestilencien, end verschricktmakinghen, end groote teękens zullen dar vam hemel gheschiehen.

+ C

11

^* Auer voor dezem allem zullen zy de handen an v slaen, end [v] veruolghen, end ouerleueren in de Synagoghen end in gheuangnissen, end voor kœninghen end landuooghden bringhen, om mijns naems willen.

* Matt.10.c.17 end .24.a.9 Marc.13.b.9 Ioan 15.c.20 end .16.a.2 Apoc.2.c.10

12

Het zal v auer wederuaren tot eęner ghetuyghniß.

13

Zo nemet nu voor in uwen herten, dat ghy te voren niet bekommert zijt, hoe ghy v verandworden zullet.

14

^* Want ick zal v mond end wijßheyt gheuen, welcker niet zullen konnen wederspreken noch wedestaen, alle die zick teghen v legghen.

* Exod.4.c.12 Esa.54.g.17 Matt.10.b.19 Act.6.c.10

15

^* Ghy zullet auer oock ouergheleuert werden van [uwen] olderen, ⁺ end broederen, end maghen, end vrienden, end zy zullen uwer zommighe dooden.

* Ezech.38.g.21 Mich.7.a.5 4.Esd.5.a.9

+ D

16

End ghy zullet ghehaatt zijn van allen om mijns naems willen: ^* eęn haar nochtans van uwem hoofde zal gheęnßins vergaen.

* Matt.10.c.30 1 Sa 14.g.45 2.Sa.14.c.11 3.Reg 1.g.52

17

^‡ Bezittet uwe zielen door uwe gheduld.

‡ Mat.10.c.22

18

^* Wanneęr ghy auer zien zullet Hierusalem omringt werden van den hærkrachten, zo wetet dat hœr verwoesting naby kommen is.

* mat.24.b.15 Marc.13.b.14 Dani.5.g.27

19

Alsdan wie in Iudéa is, die vliehe op de berghen: end wie midden daerin is,

[p. 145v]

die wijcke hærwt: end wie in [anderen] landen is, die komme daer niet hénin.

20

Want deze zijn de daghen der wraken: op dat veruult werde alles wat dar geschreuen is.

21

⁺Weę auer den ⁺ beuruchtden end den zooghenden in dien daghen: want dar zal eęn groote nood zijn op ærden, end toornigheyt ouer dit volck.

+ E

+ zwangheren

22

End zy zullen vallen door des zwærds schærpte, end gheuanglick gheleydt werden onder alle volcken: ^* end Hierusalem zal vertreden werden van den Heydenen, tot dat der Heydenen tijden veruult werden.

* Rom.11.c.25

23

^* End dar zullen teękens zijn in zonne end mane end sterren, end op ærden banghigheyt der luyden door twijfelmoedigheyt,

* Mat.24.c.29 Marc.13.c.24 Esa.13.b.10 Ezech.32.b.7 Ioel.2.g.31 end .3.c.15. Apoc.6.c.12

24

Wanneęr de zeę end het waterghedruysch groot geschall maken zullen, end de menschen verdwijnen voor vreęze end verwachtinghe der dinghen die kommen zullen ouer den ærdbodem. Want der hemelen krachten zullen beweeght werden.

25

^+* End alsdan zullen zy zien des menschen Zoon kommen in eęner wolcke mit kracht end grooter heęrlicheyt.

+ F

* Dani.2.d.10 Matt.16.d.27 end .24.c.30. end 25.c.31. end .26.f.63 Marc.13.c.26 end .14.f.61. Act.1.b.11 2.Thess.1.c.10 Apoc.1.b.7

26

Wanneęr auer dit zal beghinnen te gheschiehen, zo richtet v op, end heffet uwe hoofden op: ^‡ want uwe verlossing is naby.

‡ Rom.8.d.23

27

^* End zeyde hen eęn verghelijcking: Ziet an den vijghboom end alle boomen: wanneęr zy nu wtslaen, zo ziet ghy, end mærcket by v zeluen dat de zomer naby is.

* mat.24.c.32 Marc.13.d.28

[p. 146r]

28

Alzo oock ghy, wanneęr ghy dit zullet zien gheschiehen, zo wetet dat het kœningkrijck Godes naby zy.

29

Amen ick zeg v, dit geslæchte zal gheęnßins voorby gaen, tot dat dit alles gheschiehe.

30

^* De hemel end de ærde zullen voorby gaen, myne worden auer zullen gheęnßins voorby gaen.

* Psa.102.d.27 Esa.40.b.8 end .51.b.6 Hebr.1.c.11.

31

^+‡ Auer hoedet v zeluen dat uwe herten niet t’eęnigher tijd bezwaert werden mit brassery end dronckenschap, end mit zorghfoldigheyden dezes leuens, end dat v die dagh niet snellick ouerualle.

+ G

‡ Rom.13.d.13 1 Thess.5.b.6

32

^* Want als eęn vallstrick zal hy kommen ouer alle die op dem ganschen ærdbodem zitten.

* 1 Thess.5.a.2 2.Petr.3.c.10 Apoc.3.a.3. end .16.c.15.

33

^‡ Daerom waket t’aller tijd, end biddet dat gy wærdigh werdet te entuliehen dezem allem, dat dar gheschiehen zal, end te staen voor des menschen Zone.

‡ Matt.24.d.42. end .25.a.13 Marc.13.d.33 Luc.12.e.40 1.Thess.5.a..6

34

^* End hy leęrde des daghs in dem tempel, des nachts auer ghingk hy hénwt, end herberghde op dem bergh die dar ghenaemt werdt der Olijuen.

* Ioan.8.a.1

35

End alle het volck quam des morghens tijdighlick tot hem in den tempel hem te hooren.