Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xviij.

1

HY zeyde auer oock tot hen eęn verghelijcking ^* dat men altijd bidden moet, end niet vermoeyt werden.

* Eccle.18.c.20 Rom.12.c.12 Ephe.6.c.18 Colos.4.a.2 1.Thes.5.c.17

2

End sprack: Dar was eęn richter in eęner stad, welcker zick voor Gode niet vreęßde, end zick voor gheęnem mensche entzagh.

3

Dar was auer eęn weduwe in der zeluer stad: end zy quam tot hem, end zeyde: Doe my wraackrecht van myner wederparty.

4

End hy wolde langhe niet: Daerna auer zeyde hy by hem zeluen: Hoewel ick my voor Gode niet vreęze, noch voor gheęnem mensche entzie,

5

Nochtans dewijl my deze weduwe moeylick is, zal ick hœr wraackrecht doen: op dat zy niet ten lesten komme, end my schamperheyt andoe.

6

De Heęr auer zeyde: Hooret wat de ongherechtighe richter zegt.

[p. 138r]

7

^+* Zal auer God gheęnßinns wrake doen zyner wtuerkorenen, die dagh end nacht tot hem roupen, hoewel hy langmoedigh is ouer ze?

+ B

* Apoc.6.c.10

8

Ick zeg v dat hy hen haestlick wrake doen zal. Doch wanneęr des menschen Zoon kommen zal, zal hy oock het ghelooue vinden op ærden?

9

Hy zeyde auer oock tot zommighen die op zick zeluen vertrauwden dat zy ghegherechtigh waren, end verachtden de anderen, deze verghelijcking:

10

Tweę menschen ghinghen hénop in den tempel, te bidden: de eęn was eęn Phariséer end de ander eęn tollenaer.

11

De Phariséer stond, end bad by hem zeluen alzo: ^* Ick dancke dy, die du God bist, dat ick niet bin als andere menschen: roouers, ongherechtighen, echtbrekers of oock als deze tollenaer.

* Deut.26.c.13 Iob.9.c.20 Psal.143.a.2

12

⁺Ick vaste tweęmael in der weke, ick gheue tienden van allem wat ick bezitte.

+ C

13

End de tollenaer stond van verr, end wolde ia de ooghen na den hemel niet opslaen, mer slough op zijn borst end zeyde: Du, die du God bist, zy my zondaer ghenadigh.

14

Ick zeg v, deze ghingk hénaf gherechtuærdight in zijn huyß ⁺ voor dem anderen. ^* Want zo wie zick verhooght, die zal vernedert werden: end wie zick vernedert, die zal verhooght werden.

+ Of meęr dan de ander.

* Iob.22.d.29 Pro.29.d.23 Matt.23 a.11 Luc.14.c.11 Ia.4.b.6.c.10 1.Petr.5.b.5

15

^‡ Zy brachten auer oock tot hem kinderkens dat hy ze zolde anroeren: Doe auer dit de leęrionghers zaghen, bestraften zy ze.

‡ Mat.19.b.13 Marc.10.b.13

16

Iesus auer riep de zelue [kinder-

[p. 138v]

kens] tot zick, end zeyde: Latet de kinderkens tot my kommen, end weeret hen niet: ^* want zodanigher is het kœningkrijck Godes.

* Matt.18.a.3 end 19.b.14 1.Cor.14.d.20 1.Pet.2.a.2

17

Amen ick zeg v, zo wie het kœningkrijck Godes niet anneemt als eęn kindeken, die zal dar gheęnßinns hénin kommen.

18

^+* End eęn Ouerste vraeghde hem, end zeyde: Goede Leęrmeęster, wat zal ick doen dat ick het eęwigh leuen beærue?

+ D

* Matt.19.c.16 Marc.10.b.17

19

Iesus auer zeyde tot hem: Wat heetst du my goed? niemand is goed, dan eęn, naemlick, God.

20

Du weetst de gheboden, ^* Doe gheęn echtbrekery, Sla niet dood, Steel niet, Ghetuygh niet valschlick: ^‡ Eęr dynen vader end dijn moeder.

* Exod.20.c.14 Deut.5.b.18 Rom.13.c.9

‡ Eccli.3.a.3 Ephe.6.a.2 Colos.3.d.20

21

Hy auer zeyde: Dit heb ick alles bewaert van myner iongher iœghden op.

22

Doe auer Iesus dit hoorde, zeyde hy tot hem, Eęn dingk entbreeckt dy noch: verkoop alles wat du hebst, end gheef het den armen, ^* end du zalt eęnen schatt hebben im hemel: end komm, volgh my na.

* Matt.6.c.19 end .19.c.21 1.Tim.6.d.19

23

⁺Doe hy auer dit hoorde, ward hy ouerdrouuigh: want hy was zeęr rijck.

+ E

24

Doe auer Iesus zagh dat hy was ouerdrouuigh gheworden, zeyde hy: ^* Hoe zwaerlick zullen die gheld hebben in het kœningrijck Godes ingaen.

* Matt.19.c.23 Marc.10.d.23 Pro.11.d.28

25

Want het is lichter dat eęn ⁺ kabel door eęn naaldenoogh doorga, dan dat de rijcke in het kœningrijck Godes inga.

+ of, kameel

26

Auer die dit hoorden, zeyden: Wie

[p. 139r]

kann dan ⁺ zaligh werden?

+ Gr. beholden

27

Hy auer zeyde: ^* Wat by den menschen onmoghelick is, dat is by Gode moghelick.

* Iob.42.a.2 Zacha.8.a.6 Sapi.11.d.20 Luc.1.d.33

28

^‡ Doe zeyde Petrus: Zie, wy hebben’t alles verlaten, end zijn dy nagheuolght.

‡ Matt.4.c.20 end .19.d.27 Marc.10.c.28 Luc.5.b.11

29

Hy auer zeyde tot hen: Amen ick zeg v, dar is niemand ^* die verlaten heeft huyß, of olders, of broeders, of wijf, of kinders, om des kœningkrijcks Godes willen,

* Deut.33.b.9

30

^+* Die niet veel meęr entfanghen zal in dezer tijd, end in der toekommender eęwe het eęwigh leuen.

+ F

* Iob.42.d.12

31

^* Hy nam auer de twælue mede, end zeyde tot hen: Zie, wy gaen hénop na Hierusalem, end het zal alles vollendt werden an des menschen Zone ^‡ dat door de Propheten gheschreuen is.

* Matt.16.c.21 end .17.d.22 end .20.b.17 Marc.8.d.31 end .9.e.31 end .10.e.32 Luc.9.c.22 end .24.a.6

‡ Psal.22.b.7 Esa.53.c.8

32

^* Want hy zal den Heydenen ouergheleuert werden, end zal bespott end smadelick ghehandelt, end bespoghen werden:

* Matt.27.a.2 Luc.23.a.1 Ioan.18.e.28 Act.3.c.13

33

End na dem zy hem ghegheęsselt zullen hebben, zullen zy hem dooden, end ten derden daghe zal hy wederopstaen.

34

End dezer dinghen verstonden zy gheęn, end dit word was voor hen verborghen, end wisten niet wat dar ghezegt was.

35

^+* Het gheschiedde auer doe hy naby Hiericho quam, dat dar eęn blinde am weghe zat, end bedelde.

+ G

* Matt.20.d.26 Mar.10.g.46

36

Doe hy auer hoorde de schare die dar voorby ghingk, vraeghde hy wat dat

[p. 139v]

ware.

37

Zy auer zeyden tot hem, dat Iesus de Nazarener voorby ghinghe.

38

End hy riep, end zeyde: Iesu zoon Dauids, erbarm dy myner.

39

End die dar vooran ghinghen, bestraften hem dat hy zweghe: Hy auer kreesch veel te meęr: Zoon Dauids, erbarm dy myner.

40

Iesus auer stond still, end hiet en tot hem bringhen. End doe hy naby kommen was, vraeghde hy hem,

41

End zeyde: Wat wilt du dat ick dy doe? Hy auer zeyde: Heęr, dat ick zien magh.

42

End Iesus zeyde tot hem: Werd ziende: dijn ghelooue heeft dy beholden.

43

End van stonden an ward hy ziende, end volghde hem na, end preeß God: end het gansche volck dat zulcks zagh, gaf Gode lof.