Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xvi.

1

HY zeyde auer oock tot zynen leęriongheren: Dar was een rijck mensch, die had eęnen huyßmeęster, end deze ward by hem beruchtight als die zyne goeders doorbracht.

2

End hy riep hem, end zeyde tot hem: Wat hoore ick dit van dy, gheef rekenschap dijns huyßmeęsterschaps: want du zalt voordan niet meęr moghen huyßmeęsteren.

3

De huyßmeęster auer zeyde by hem zeluen: Wat zal ick doen, dat mijn heęr van my het huyßmeęsterschap afneemt? Grauen vermagh ick niet, bedelen schame ick my.

4

Ick weet wat ick doen zal, op dat wanneęr ick van dem huyßmeęsterschap afghezett zall zijn, [zommighe] my in hœre huyzen nemen.

5

⁺End riep tot zick alle de schuldenaers zijns heęren byzonder, end zeyde tot dem ersten: Hoe veel bist du mynem heęre schuldigh?

+ B

6

Hy auer zeyde: Honderd baatmaten olijs. End hy zeyde tot hem: Neem ⁺ dynen schuldbrief, zit neder, end schrijf haestlick, vijftigh

+ Gr. dijn schrift

7

Daerna zeyde hy tot dem anderen: Du auer hoe veel bist du schuldigh? Hy auer zeyde: Honderd coormaten tarwen. End hy zeyde tot hem: Neem dynen schuldbrief, end schrijf, achtentigh.

[p. 134v]

8

End de Heęr preeß den ongherechtighen huyßmeęster, dat hy voorzichtlick ghedaen hadde: want de kinders dezer ⁺ wæreld zijn klouckzinnigher dan de kinders des lichts, in hœrem gheslæchte.

+ Gr. eęwen

9

⁺Ick zeg v oock, ^* Maket v vrienden van dem Mammon der ongherechtigheyt, op dat wanneęr v entbreken zal, zy v opnemen in de eęwighe hutten.

+ C

* Matt.6.c.19 end .19.c.21 1.Tim.6.d.19

10

Wie im kleynsten trauw is, die is oock im grooten trauw: end wie im kleynsten ongherechtigh is, die is oock im grooten ongherechtigh.

11

Daerom zo ghy in dem ongherechtighen Mammon niet trauw zijt gheweeßt, wie zal v het waerachtighe vertrauwen?

12

End zo ghy in dem vrémden niet trauw gheweeßt zijt, wie zal v gheuen dat uwe is?

13

^* Gheęn huyßknecht kann tweęen heęren dienen: of hy zal den eęnen haten, end den anderen lief hebben: of eęnem anhanghen, end den anderen verachten. Ghy konnet niet Gode end dem Mammon dienen.

* Matt.6.c.24

14

⁺Dit alles auer hoorden oock de Phariséers, welcke gheldghierigh waren, end beschimpten hem.

+ D

15

End hy zeyde tot hen: Ghy zijt die v zeluen rechtuærdight voor den menschen, ^* auer God kennt uwe herten. ^‡ Want wat hoogh is onder den menschen, dat is eęn gruwel voor Gode.

* Psal.7.c.10

‡ 1.Sa.16.b.7

16

^* De Wet end de Propheten [strec-

* Matt.11.b.12

[p. 135r]

ken zick] tot op Ioannem: van dier tijd an werdt het kœningkrijck Godes gheeuangelizeert, end eęn ieghelick vald dar gheweldighlick an.

17

^* Het is auer lichter dat de hemel end de ærde voorby ga, dan dat eęn tittelken der Wet valle.

* Matt.5.c.18 Esa.40.b.8 end .25.b.6 Psa.102.d.27

18

^‡ Zo wie zick afscheydt van zynem wijue, end eęn ander trauwt, ⁺ die doet echtbrekery: end zo wie de afghescheydene van dem manne trauwt, die doet echtbrekery.

‡ Matt.5.e.32 end .19.b.9 Marc.10.b.11 1.Cor.7.b.10

+ E

19

⁺ Dar was auer eęn rijck mann, welcker bekleędt ward mit purpur end zijde, end leefde daghlicks weeldighlick end cierlick.

+ anders. Hy zeyde auer oock eęn ander verghelijcking, Dar was. etc.

20

Dar was auer [oock] eęn bedelaer mit name Lazarus, welcker lagh vollzwærigh an zyner poorten,

21

End begærde ghezadight te werden van den kruymkens die van des rijcken dissche vielen. Doch quamen oock de honden, end leckten [hem] zyne zwæren.

22

Het gheschiedde auer dat de bedelaer starf, end ward ghedraghen van den Enghelen in Abrahams schood.

23

De rijcke auer starf oock, end ward begrauen: end als hy in der helle zijn ooghen opslough, ⁺ doe hy in der pijne was, ⁺ zagh hy Abraham van verr, end Lazarum in zynem schood.

+ F

+ Gr. ziet

24

End hy riep, end zeyde: Uader Abraham, erbarm dy myner: end zend Lazarum dat hy het wterste zijns vinghers in water doppe, end koele mijn tong: ^* want ick lijde smerte in dezer vlammen.

* Esa.66.g.24 Eccli.7.b.19 Marc.9.g.44

[p. 135v]

25

Abraham auer zeyde: Kind, ghedenck ^* dat du dyne goeden hén ghenomen hebst in dynem leuen, end Lazarus ⁺ daerenteghen de quaden: nu auer werdt deze ghetroost, end du werdst ghepijnight.

* Iob.21.b.13

+ Gr. deßghelijcken

26

End bouen dit alles, tusschen ons end v is eęn groote kloue beuestight, alzo dat die dar willen van hier ouergaen tot v, niet konnen, noch die daer zijn, ⁺ tot ons hærouer kommen.

+ G

27

Hy zeyde auer: Zo bid ick dy vader, dat du hem zendest in mijns vaders huyß:

28

Want ick heb vijf broeders, op dat hy hen betuyghe, dat oock zy niet kommen in deze plaetß der pijnen.

29

Abraham zeyde tot hem: ^* Zy hebben Mosen end de Propheten, latet ze de zelue hooren.

* Esa.34.d.16 Ioan.5.g.39 Act.17.c.11

30

Hy auer zeyde: Neęn vader Abraham: mer zo iemand wt den dooden tot hen ga, zo zullen zy ghemoedbetering doen.

31

Hy auer zeyde tot hem: Hooren zy Mosen end de Propheten niet, zo zullen zy oock ⁺ niet gheloouen, wenn oock schoon iemand wt den dooden opstonde.

+ Gr. zick niet laten ghezegghen,