Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

1

⁺ AUer Iesus voll heylighen Gheęsts keęrde weder van dem Iordaen, end ward van dem Gheęst in de

+ Matt.4.a.1 Mar.1.b.12.

[p. 103r]

woestijn gheleydt.

2

End ward viertigh daghen lang verzocht van dem duuel. ^* End hy at niets in dien daghen: end doe de zelue gheendt waren, ten lesten hongerde hem.

* Exo.34.d.28 1.Re.19.b.8

3

End de duuel zeyde tot hem: Bist du Godes Zoon, zo zeg tot dezem steęne dat hy brood werde.

4

End Iesus andwordde hem, end zeyde: Dar is gheschreuen, ^* De mensch zal niet leuen van dem broode alleęne, mer van eęnem ieghelicken worde Godes.

* Deu.8.a.3 end .32.g.47 Sap.16.d.26

5

End de duuel voerde hem hén op eęnen hooghen bergh, end toonde hem alle kœningkrijcken des ærdbodems in eęnem ooghenblick.

6

End de duuel zeyde tot hem: Deze macht zal ick dy alle gheuen, end hœre heęrlicheyt: want zy is my ouerghegheuen, end ick gheef ze zo wem ick will.

7

⁺Zo du dan voor my nederuallest, zal het alles dijn zijn.

+ B

8

End Iesus andwordde, end zeyde tot hem: Ga hén achter my du Satan: want dar is gheschreuen, ^* Du zalt den Heęr dynen God anbidden, end hem alleęn dienen.

* Deut.6.c.16 end .10.d.20 1.Sam.7.a.3

9

End hy leydde hem tot Hierusalem, end stelde hem op des tempels tinne, end zeyde tot hem: Bist du Godes Zoon, zo wærp dy zeluen van hier hénaf.

10

Want dar is gheschreuen, ^* Hy zal beuel gheuen zynen Enghelen van dy, dat zy dy bewaren:

* Psal.91.b.11

11

End dat zy dy op den handen draghen, op dat du te gheęner tijd dynen

[p. 103v]

voet an eęnighen steęn stotest.

12

End Iesus andwordde end zeyde tot hem: Dar is ghezegt, ^* Du zalt den Heęr dynen God niet verzoucken.

* Deu.6.c.16

13

End doe de duuel alle verzoucking vollendt had, weeck hy van hem vœr eęn wijle.

14

^* End Iesus keęrde weder door des Gheęstes kracht in Galiléam: end het gheruchte van hem ghingk wt door het gansche omligghende landbegrijp.

* Matt.4.b.12 Marc.1.b.14 Ioan.4.f.43 Act.10.f.37

15

End hy leęrde in hœren Synagoghen, end ward van allen gheprezen.

16

^* End quam tot Nazareth daer hy opgheuoedt was, ⁺ end ghingk in de Synagoogh, na zyner ghewoonheyt, op den Sabbathdagh: ^‡ end stond op te lezen.

* Matt.13.g.54 Marc.6.a.1 Ioan.4.f.43

+ C

‡ 2.Esdr.8.b.6

17

End hem ward het bouck des Propheten Esaie ghedaen: end doe hy het bouck opgheslaghen had, vand hy de plaetß daer gheschreuen was,

18

^* De Gheęst des Heęren is op my, derhaluen hy my ghezalft heeft: hy heeft my wtghezonden te euangelizeren den armen, te ghenezen die dar zijn eęns ghebrokenen herten,

* Esa.61.a.1

19

Te prediken quijtlating den gheuanghenen, end ghezichte den blinden, wt te zenden de ghewondden door quijtlating, te prediken het anghenaem iaar des Heęren.

20

End als hy het bouck toeghedaen end dem dienaer ouerghegheuen had, zat hy neder: end aller ooghen die in der Synagoghe waren, zaghen staer-

[p. 104r]

lick op hem.

21

Hy auer begann te zegghen tot hen, ⁺ Huyden is deze Schrift veruult in uwen ooren.

+ D

22

End zy gauen alle tuyghniß van hem, ^* end verwonderden zick der ⁺ ghenaadrijcken worden, die wt zynem monde hær quamen, end zeyden: ^‡ Is deze niet Iosephs zoon?

* Matt.13.g.54 Marc.6.a.2 Luc.2.g.46.

+ Gr. der worden der genaden, of lieflickheyt

‡ Ioa.6.e.22

23

End hy zeyde tot hen: Ganschlick zullet ghy tot my zegghen dit ⁺ spreeckword, Medicijnmeęster, heyl dy zeluen: zo wat wy ghehoort hebben gheschiedt te zijn in Capernaum, dat doe oock hier in dynem vaderlande.

+ Gr. verghelijcking

24

Hy auer zeyde: Amen ick zeg v, ^* gheęn Phropheet is anghenaem in zynem vaderlande.

* Matt.13.g.57 Marc.6.a.4 Ioan.4.f.44

25

Auer in der waerheyt zeg ick v, ^‡ dar waren vele weduwen in Israel ter tijd Helie, doe de hemel ghesloten was dry iaren end zeß maenden, doe eęn groote honghernood gheworden was ouer het gansche land:

‡ 1.Re.17.b.9 Iacob.5.d.17

26

⁺End tot hœrer gheęner ward Helias ghezonden, dan tot eęner weduvrauwen in Sarepta Sidonis.

+ E

27

^* End vele melaetschen waren in Israel onder dem Prophete Heliseo, end hœrer gheęn ward ghereynight dan Naaman van Syrien.

* 2.Reg.5.d.14

28

End zy wurden voll verbolghenheyt alle die in der Synagoghe waren, doe zy dit hoorden:

29

End zy stonden op, end worpen hem ter stad hénwt, end leydden hem op het hooghste

[p. 104v]

des berghs, waerop hœr stad ghebauwt was, dat zy hem slaghlick hénaf stieten.

30

Hy auer ghingk midden onder ze door, end ghingk hén.

31

^* End hy ghingk hénaf tot Capernaum eęn stad Galilée, end leęrde ze op de Sabbathdaghen.

* Matt.4.b.13 Marc.1.b.21

32

^* End zy versloughen zick ouer zyner leęre: want zijn rede was gheweldigh.

* Matt.7.d.28

33

^+* End dar was eęn mensch in der Synagoghe die dar had eęnen gheęst eęns onreynen duuels: end hy kreesch wt mit luyder stemmen,

+ F

* Marc.1.c.23

34

End zeyde: Ey laet af, wat is ons end dy Iesu van Nazareth? bist du kommen ons te verdæruen? Ick kenn dy wie du bist, die Heylighe Godes.

35

End Iesus bestrafte hem end zeyde: Zwijg still, end vaer van hem wt. End de duuel warp hem midden onder ze, end voer van hem wt, end beschadighde hem niet.

36

End dar quam eęn verschricking ouer ze alle, end spraken t’zamen onder malckanderen end zeyden: Wat is dit vœr eęn word: want hy ghebiedt mit macht end gheweld den onreynen gheęsten, end zy varen wt?

37

End het gheruchte van hem ghingk wt in alle plaetß des omligghenden landbegrijps.

38

^* Iesus auer opghestaen van der Synagoghe, ghingk hén in Simons huyß: auer Simons wijfs moeder was mit eęner grooter kortsen beuanghen, end zy baden hem vœr ze.

* Matt.8.b.14 Marc.1.c.29

39

⁺End hy stond ouer ze, end bestrafte de kortß: end [de kortß] verliet ze: end zy

+ G

[p. 105r]

stond van stonden an op, end diende hen.

40

^* Doe auer de zonn onderghegaen was, alle die dar krancken hadden mit menigherley zieckten [beuanghen] brachten ze tot hem: end hy leyde de handen op eęnen ieghelicken van hen, end maeckte ze ghezond.

* Matt.8.b.16 Marc.1.c.32

41

^* De duuels auer voeren oock wt van menighen krijschende end zegghende: Du bist ⁺ Christus de zoon Godes. End hy bestraffde ze, end liet ze niet spreken, want zy wisten dat hy Christus was.

* Marc.1.d.34 end .3.b.11

+ de Ghezalfde

42

^* Doe het auer dagh gheworden was, ghingk hy wt, end ghingk hén tot eęn woeste plaetß: end de scharen zochten hem, end quamen tot hem, end hielden hem vast dat hy niet van hen wegh ghinghe.

* Marc.1.d.34

43

Hy auer zeyde tot hen: Ick moet oock den anderen steden euangelizeren het kœningkrijck Godes: want hiertoe bin ick wtghezonden.

44

End hy predickte in den Synagoghen Galilée.