Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iij

1

AUer in den vijftienden iare des keyzerdomms Keyzers Tiberij, doe Pontius Pilatus landvooghd was Iudée, end Herodes eęn vieruorst Galilée, end zijn broeder Philippus eęn vieruorst des landschaps Iturée end Thrachonitis, end Lysanias eęn vieruorst Abilenes,

2

^* Onder den Ouerpriesteren Anna end Caiapha, zo gheschiedde het word des Heęren tot Ioannes Zacharie zoon in der woestijne.

* Act.4.a.6

3

^* End hy quam in alle omligghende landbegrijp des Iordaens, end predickte den Doop der ghemoedbetering ter quijtlatinghe der zonden:

* Matt.3.a.1 Marc.1.a.4

4

Als gheschreuen is im bouck der worden Esaie des Propheten, die dar zegt: ^* Eęn stemm des roupenden in der woestijne: Bereydet den wegh des Heęren, maket zyne paden recht.

* Esa.40.a.3 Matt.3.a.3 Marc.1.a.3 Ioan.1.c.23

5

⁺Alle dal zal vol werden, end alle bergh end hœuel zal vernedert werden: end wat kromm is, zal recht werden, end de oneffene

+ B

[p. 101v]

weghen zullen gheslecht werden:

6

End alle vleęsch zal de zalighmaking Godes zien.

7

Zo zeyde hy dan tot den scharen die dar hénwt ghinghen op dat zy van hem ghedoopt wurden: ^* Ghy aderen ghebroedsel, wie heeft v ghewaerschuywt te vliehen van dem toekommstighen toorn?

* Matt.3.b.7 end .23.d.32

8

Doet dan vruchten die der ghemoedbetering wærd zijn: end beghinnet niet in v zeluen te zegghen: ^* Wy hebben Abraham tot eęn vader: Want ick zeg v dat God machtigh zy Abrahe wt dezen steęnen kinders te verwecken.

* Matt.3.b.9 Ioan.8.e.39 Act.13.d.26

9

Alrede auer ligt oock het bijl an der boomen wortel: ^* Daerom alle boom die niet goede vrucht doet, werdt wtghehauwen end in het vuer gheworpen.

* Matt.3.c.10 end .7.c.19 Luc.3.b.9

10

⁺End de scharen vraeghden hem, end zeyden: ^* Wat zullen wy dan doen?

+ C

* Act.2.f.37

11

Hy auer andwordde end zeyde tot hen: ^* Wie tweę rocken heeft, die mededeęle dem die gheęnen heeft: end wie spijß heeft, die doe deßghelijcken.

* Iaco.2.c.15 1.Ioan.3.c.17

12

Dar quamen auer oock tollenaers dat zy ghedoopt wurden, end zeyden tot hem: Leęrmeęster, wat zullen wy doen?

13

Hy auer zeyde tot hen: Uereyschet niet meęr dan v verordent is.

14

Hem vraeghden oock de krijgsluyden, end zeyden: End wy wat zullen wy doen? End hy zeyde tot hen: ⁺ Uerweldighet niemand, end bringhet oock niet ærghlistighlick an, end laet v ghenoughen mit uwen besoldinghen.

+ Of, dringhet niemanden niets af,

[p. 102r]

15

⁺Als auer het volck verwachtde, end alle in hœren herten dachten van Ioanne, of hy oock ⁺ de Ghezalfde ware,

+ D

+ Christus

16

Zo andwordde Ioannes, end zeyde tot allen: ^* Ick doope v wel mit water, auer dar kommt eęn stærcker dan ick, welckes schoenriem ick niet ghenoughßaem bin te ontbinden: ^‡ de zelue zal v in dem heylighen Gheęst end vuer doopen:

* Matt.3.c.11 Marc,1.a.8 Ioan.1.d.26 Act.1.a.5 end .11.b.16. end .19.a.4

‡ Esa.44.a.3 Ioel.2.g.28 Act.2.a.4 end .11.b.15

17

Welckes wann in zyner hand is, end hy zal zynen dorschvloer doorreynighen, end zal de tarwe in zijn schuere vergaderen: het kaf auer zal hy mit onwtblusschlickem vuere verbranden.

18

End oock vele meęr andere dinghen vermaende end euangelizeerde hy dem volcke.

19

^* Doe auer Herodes de vieruorst van hem ghestraft ward van weghen Herodiaß zijns broeders philippi wijf, end van allen booßheyden die Herodes dede,

* Matt.14.a.3 Marc.6.c.18

20

⁺Bouen alles dede hy oock dit daertoe, end sloot Ioannem in der gheuanghenisse.

+ E

21

^* Het gheschiedde auer doe zick alle het volck liet doopen, end Iesus ghedoopt was end bad, dat de hemel gheopent ward:

* Matt.3.d.16 Marc.1.a.9 Ioan.1.d.32

22

End de heylighe Gheęst daelde hæraf op hem in eęner lijflicker ghedaente als eęn duyue, end dar quam eęn stemm vam hemel die dar zeyde: ^* Du bist die mijn gheliefde Zoon, in dy heb ick eęn welgheuallen.

* Esa.42.a.1 Matt.17.a.5 Marc.9.a.2 Luc.9.e.35 Colos.1.b.13 2.Pet.1.d.17

23

End de zelue Iesus began by dertigh iaren old te zijn, end was, alzo men

[p. 102v]

meynde, ^* eęn zoon Iosephs, die dar was ⁺ des Heli,

* Matt.13.g.55 Ioan.6.e.42

+ anders. eęn zoon Heli,

24

Des Matthat, des Leui, des Melchi, des Ianna, des Iosephs,

25

Des Mattathie, des Amos, des Naum, des Hesli, des Nagge,

26

Des Maath, des Mattathie, des Semei, des ⁺ Iosephs, des Iuda,

+ anders. Iosech

27

Des Ioanna, des Rhesa, des Zorobabel, des Salathiel, des Neri,

28

Des Melchi, des Addi, des Kosam, des Elmodam, des Er,

29

Des ⁺ Iose, des Eliezer, des Iorem, des Matthat, des Leui,

+ anders. Ieso of Iesu

30

Des Symeon, des Iuda, des Iosephs, des Ionan, des Eliacim,

31

⁺Des Melea, des ⁺ Mainan, des ⁺ Mattatha, des Nathan, des Dauids,

+ G

+ anders. Menam of Menna

+ anders. Mathathan.

32

Des Iesse, des Obed, des Booz, des Salmon, des Naasson,

33

Des Aminadab, des Aram, des Esrom, des Phares, des Iuda.

34

Des Iacobs, des Isaacs, des Abrahams, des Thara, des Nachor,

35

Des Saruch, des Rhagau, des Phalec, des Heber, des Sala,

36

Des Kainan, des Arphaxad, des Sem, des Noe, des Lamech,

37

Des Mathusala, des Enoch, des Iared, des Malaleel, des Kainan,

38

Des Enos, des Seth, des Adams, die dar was Godes.