Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 58v]

Het heylighe Euangelium beschreuen door Marcum.

Cap.i.

1

HEt beghinn des Euangeliums Iesu Christi des Zoons Godes.

2

Als gheschreuen is in den Propheten: ^* Zie, ick zende mynen Enghel wt voor dynem anghezichte, die dar toebereyden zal dynen wegh voor dy.

* Mala.3.a.1 Matt.11.b.10. Luc.7.d.27

3

^* Eęn stemm des roupenden in der woestijne: Bereydet den wegh des Heęren, maket zyne paden recht.

* Esa.40.a.3 Matt.3.a.3 Luc.3.a.4 Ioan.1.c.23

4

^‡ Ioannes was doopende in der woestijne, end predikende den doop der ghemoedbetering ter quijtlatinghe der zonden.

‡ Matt.3.a.1 Luc.3.a.3 Ioan.3.c.23

5

^* End tot hem ghinghen hénwt het gansche Iœdsche land, end de Hierosoluniten, end wurden alle van hem ghedoopt in dem Iordaenstroom, belijdende hœre zonden.

* Matt.3.a.5 Luc.3.b.7.

6

^* Ioannes auer was bekleędt mit kameels haren, end mit eęnem lederen gordel om zyne lenden: ^‡ end at springkhanen end wild honigh.

* Matt.3.a.4 2.Re.1.b.8

‡ Leui.11.c.22

7

^* End predickte, end zeyde: Na my kommt eęn die stærcker is dan ick, welckes schoenriem ick nederghebuckt, niet bequaem bin te ontbinden.

* Matt.3.c.11 Luc.3.d.16 Ioan.1.d.26

8

^‡ Ick heb v wel ghedoopt im water, ^* hy auer zal v doopen mit dem heylighen Gheęst.

‡ Act.1.a.5 end .11.b.16 end .19.a.4

* Esa.44.a.3 Ioel.2.g.28 Act.2.a.4 end .11.b.15

[p. 59r]

9

^* End het gheschiedde ten dien daghen dat Iesus wt Galilea van Nazareth quam, end ward ghedoopt van Ioanne in dem Iordaen.

* Matt.3.c.13 Luc.3.e.21 Ioan.1.c.32

10

End van stonden an klamm hy wt dem water op, end zagh de hemels opklieuen, end den Gheęst ghelijck als eęn duyue hæraf dalen op hem.

11

^+* End dar ward eęn stemm wt den hemelen: Du bist die mijn gheliefde Zoon, in welckem ick eęn welgheuallen heb.

+ B

* Esa.42.a.1 Matt.3.d.17 end .17.a.5 Marc.9.a.7 Luc.3.e.22 end .9.e.35 Colos.1.b.13 2.Pet.1.d.17

12

^‡ End van stonden an drijft hem de Gheęst wt in de woestijn.

‡ Matt.4.a.1 Luc.4.a.1

13

End hy was aldaer in der woestijne viertigh daghen, end ward verzocht van dem Satan: end was by den ghedierten: end de Engels dienden hem.

14

^* Auer na dem Ioannes ouergheleuert was, quam Iesus in Galiléen, end predickte het Euangelium des kœningkrijcks Godes,

* Matt.4.b.12 Luc.4.b.14 Ioan.4.f.43

15

End zeyde: De tijd is veruult, end het kœningkrijck Godes is naby kommen: ^* doet ghemoedbetering, end gheloouet an dem Euangelio.

* Esa.56.a.1

16

^* Doe auer Iesus an dem Galiléschen meer wandelde, zagh hy Simon end Andream zynen broeder, het nett in d’meer wærpen (want zy waren visschers.)

* Matt.4.c.18 Luc.5.a.1

17

End Iesus zeyde tot hén: Kommet hær na my, end ick zal v ^* menschen visschers doen werden.

* Iere.16.c.16 Ezech.47.b 9

18

^‡ End van stonden an verlieten zy hœre netten, end volghden hem na.

‡ matt.19.d.27 Marc.10.d.28 Luc.5.b.11 end .18.e.28

19

^* End van daer eęn weynigh voordghegaen, zagh hy Iacobum den zoon Zebedei, end Ioannem zynen broeder: welcke

* Matt.4.c.21

[p. 59v]

hœre netten in dem schepe vermaeckten.

20

End hy riep hen terstond. End zy verlieten hœren vader Zebedeum in dem schepe mit den huerlinghen, end volghden hem na.

21

^* End zy gaen in tot Capernaum: end terstond op den Sabbathdaghen inghegaen in de Synagoogh, leęrde hy.

* Matt.4.b.13 Luc.4.e.31

22

^+* End zy versloughen zick ouer zyner leęre: want hy leęrde ze als die dar gheweld hadde, end niet als de Schriftgheleęrden.

+ C

* Matt.7.d.28 Luc.4.e.32

23

^* End dar was in hœrer Synagoghe eęn mensch mit eęnem onreynen gheęst, welcker kreesch wt,

* Luc.4.f.33

24

End zeyde: Ey laet af, wat is ons end dy Iesu van Nazareth? Bist du kommen ons te verdæruen? ick kenn dy, wie du bist, [naemlick] de Heylighe Godes.

25

End Iesus bestrafte hem, end zeyde: Zwijgh still, end vaer van hem wt.

26

End de onreyne gheęst schœrde hem, end kreesch mit luyder stemmen, end voer van hem wt.

27

End zy entzettden zick alle, alzo dat zy onder den anderen zick beuraeghden end zeyden: Wat is dit? wat is dit vœr eęn nieuwe leęre, dat hy mit gheweld oock den onreynen gheęsten ghebiedt, end zy zijn hem ghehoorzaem?

28

End zijn gheruchte ghingk terstond wt ouer het gansche omligghende landbegrijp Galilée.

29

^* End van stonden an wtghegaen wt der Synagoghen, quamen zy in’t huyß Simons end Andree, mit Iacobo end Io-

* Matt.8.b.14 Luc.4.f.38

[p. 60r]

anne.

30

Auer Simons wijfs moeder lagh kortszuchtigh: end terstond zegghen zy hem van hœr.

31

End hy ghingk toe, end greep ze by der hand, end richtde ze op: end de kortß verliet ze van stonden an, end zy diende hen:

32

^* Auer des auends doe de zonn onderghegaen was, brachten zy tot hem allerley krancken, end bezetenen.

* Matt.8.b.16 Luc.4.g.40

33

End de gansche stad verzamelde zick voor der dœre.

34

⁺End hy heylde’r vele die mit menigherley zieckten beuanghen waren: end warp vele duuels wt, end liet den duuelen niet toe te spreken: want zy kenden hem.

+ D

35

⁺ End des morghens doe het noch diep in der nacht was, stond hy op, end ghingk hénwt, end ghingk hén in eęn woeste plaetß: end bad aldaer.

+ Luc.4.g.42

36

End Simon, end die mit hem waren volghden hem na.

37

End doe zy hem vonden, zeyden zy tot hem: Zy zoucken dy alle.

38

End hy zegt tot hen: Latet ons tot den anligghenden vlecksteden gaen, dat ick oock aldaer predike: ^* want hiertoe bin ick wtghegaen.

* Esa.61.a.1 Luc.4.c.18

39

End hy predickte in hœren Synagoghen, ouer het gansche Galiléenland, end warp de duuels wt.

40

^* End tot hem kommt eęn melaetscher die bad hem, end knielde voor hem, end zeyde tot hem: Wilt du, zo kanst du my reynighen.

* Matt.8.a.2 Luc.5.c.12

[p. 60v]

41

Iesus auer erbarmde zyner hertgrondlick, end streckte de hand wt, end roerde hem an, end zegt tot hem: Ick wil, werd ghereynight.

42

End als hy dit zeyde, ghingk de melaetscheyt van stonden an van hem wegh, end hy ward ghereynight.

43

End hy verbood hem dreyghelick, end stiet hem terstond wt,

44

End zegt tot hem: Zie toe dat du niemanden niets zegghest: mer ga hén, vertoon dy zeluen dem Priester, end offer vœr dijn reyning ^* wat Moses verordent heeft, hen tot ghetuyghniß.

* Leuit.13.a.2 end .14.a.2

45

Hy auer hénwt ghegaen, begann vele dinghen te prediken, end het word ruchtbar te maken, alzo dat Iesus nu niet meęr konde opentlick in de stad ingaen, mer was buyten in den woesten plaetsen: End zy quamen tot hem van allen houcken.