Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xxviij.

1

⁺ AUer in der Sabbathen ⁺ auend late die dar het licht anbringt dem eęrsten [daghe] der Sabbathen, quam Maria Magdalene end de ander Maria

+ Marc.16.a.1. Luc.24.a.1 Ioan.20.a.1

+ Of. diep in der nacht.

[p. 57v]

het graf te beschauwen.

2

End zie, dar gheschiedde eęn groote ærdbeuing: want eęn Enghel des Heęren daelde vam hemel hæraf, end toeghegaen, wentelde den steęn van der dœre, end zat daerop.

3

Zijn ghedaente auer was als eęn blixem, end zijn kleęd witt als eęn sneę.

4

De hoeders auer beefden voor vreęze die zy van hem hadden, end wurden als dooden.

5

De Enghel auer andwordde end zeyde tot den vrauwen: Ureęzet ghy niet: ⁺ want ick weet dat ghy Iesum den ghecruycighden zoucket.

+ B

6

Hy is hier niet: want hy is opghestaen, ^* ghelijckerwijß hy ghezegt heeft. Kommet hær, ziet de plaetß daer de Heęr ghelegt was.

* Matt.16.c.21 end .17.d.23. end .20.c.19 Marc.8.d.31 end .9.e.31. end .10.e.33 Luc.9.c.22 end .18.f.33 end 24.a.6

7

End reyzet haestlick hén, end zegghet zynen leęriongheren dat hy opghestaen is van den dooden. End zie, hy gaet v voor in Galiléam: aldaer zullet ghy hem zien: Zie, ick heb’t v ghezegt.

8

^‡ End zy ghinghen snellick van dem grafsteęn hénwt mit vreęzen end grooter vrœghden, end liepen hén, dat zy het zynen leęriongheren boodschapten.

‡ Marc.16.b.8 Luc.24.b.8 Ioan.20.d.18

9

Doe zy auer hén ghegaen waren zynen leęriongheren dat te boodschappen, end zie, Iesus entmoettde hen, end zeyde: Zijt ghegroett. Zy auer toeghegaen, grepen zyne voeten an, end vielen voor hem neder.

10

Doe zeyde Iesus tot hen: Ureęzet niet: gaet hén, boodschappet mynen broe-

[p. 58r]

deren dat zy hén gaen in Galiléam, ^{+ *} end aldaer zullen zy my zien.

+ C

* Act.1.b.9 1.Cor.15.a.5

11

Doe nu de zelue hén ghegaen waren, zie, zo quamen zommighe wt der wacht in de stad, end boodschapten den Ouerpriesteren alle de gheschiedenissen.

12

End zy verzamelden zick mit den Olderlinghen, end hielden raad, end gauen den krijgsknechten ⁺ groot gheld,

+ Gr. ghelds ghenough.

13

End zeyden: Zegghet, zyne leęrionghers zijn kommen in der nacht, end hebben hem ghestolen de wijle wy sliepen.

14

End zo dat verhoort werde by dem Landvooghd, wy zullen hem ouerreden, end v zorghelooß maken.

15

End zy namen het gheld, end deden als zy gheleęrt waren: end deze rede is ruchtbaer gheworden by den Iœden tot op den huydighen dagh.

16

⁺Auer de elue leęrionghers ghinghen hén in Galileam op den bergh, ^* daer ze Iesus bescheyden had.

+ D

* Matt.26.c.31 Marc.14.c.28

17

End doe zy hem zaghen, vielen zy voor hem neder: zommighe auer wanckelden.

18

End Iesus ghingk toe, end sprack tot hen, end zeyde: ^‡ My is ghegheuen alle gheweld im hemel end op ærden.

‡ Psal.8.b.7 Matt.11.b.27 Luc.10.d.22 Ioan.3.d.35 end .17.a.2 1.Cor.15.d.27 Ephe.1.d.22 Hebr.2.b.8

19

^* Daerom gaet hén, ⁺ leęret alle ⁺ volcken, ze doopende in dem name des Uaders, end des Zoons, end des heylighen Gheęsts:

* Mar.16.c.15 Ioan.15.c.16

+ of. maket tot leęrionghers

+ Gr. Heydens

20

Ze leęrende bewaren alles wat ick v geboden heb. End zie, ^‡ ick bin by v t’allen daghen, tot an der vollendinghe der wæreld. Amen

‡ Ioa.14.c.18