Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xxiiij.

1

⁺ ENd Iesus wtgaende, ghingk hén van dem tempel: end zyne leęrionghers ghinghen toe, dat zy hem toonden des tempels timmeragy.

+ Marc.13.a.1 Luc.21.a.5

2

Iesus auer zeyde tot hen: Ziet ghy niet dit alles? Amen ick zeg v: ^* hier zal steęn op steęn niet ghelaten werden, die niet afghebroken werde.

* Luc.19.g.44 1.Reg.9.b.8 Mich.3.d.12

3

^‡ Als hy auer op dem Olijuenbergh zat, ghinghen zyne leęrionghers tot hem byzonder, end zeyden: ^* Zeg ons, wanneęr zullen deze dinghen gheschiehen, end wat teęken [zal dar zijn] dyner toekomst, end der wæreld vollending?

‡ Marc.13.a.3 Luc.21.b.6

* Act.1.a.6.

4

End Iesus andwordde end zeyde tot hen: ^* Ziet toe dat v niemand veruoere.

* Iere.29.b.8 Ephes.5.b.6 Colos.2.d.18 2.Thes.2.a.2 1.Ioan.4.a.1

5

^‡ Want vele zullen kommen onder mynen name end zegghen: Ick bin ⁺ Christus, end zullen’der vele veruoeren.

‡ Ier.14.c.14 end .23.d.21

+ de Ghezalfde

[p. 45v]

6

Ghy zullet auer hooren van krijghen end van gheruchten der krijghen: ziet toe dat ghy niet versaeght werdet. Want dit alles moet gheschiehen, mer noch is het gheęn ende.

7

^* Want dar zal opstaen volck teghen volck, end kœningkrijck teghen kœningkrijck: end dar zullen zijn pestilencien end honghernood end ærdbeuinghen in verscheyden plaetsen.

* Esa.19.a.2 4.Esd.13.c.31 end .15.a.15

8

Auer dit alles is het beghinn der smerten.

9

^* Dan zullen zy v ouerleueren in verdrucking, end zullen v dooden: end ghy zullet ghehaett werden om mijns naems willen van allen volcken.

* Matt.10.b.21 Marc.13.b.9 Luc.21 c.11. Ioan.15.c.19 end .16.a.2. Apoc.2.c.10.

10

End dan zullen vele gheærghert werden, end zullen malckanderen verraden, end zullen malckanderen haten.

11

End vele valsche propheten zullen opstaen, end zullen’der vele veruoeren.

12

^* End dewijl de ⁺ Wetbrekery vermenighfuldight zal werden zal de liefde veler verkolden.

* 4.Esd.5.a.2 end .14.b.16

+ Of, Wettloozigheyt

13

^+‡ Wie auer duldighlick volhærdet tot an het ende, deze zal ⁺ zaligh werden.

+ B

‡ Mat.10.c.22 Marc.13.b.13 Luc.21.d.17 Apoc.2.b.7. end .3.b.10

+ Gr. beholden

14

End dit Euangelium des kœningkrijcks zal ghepredickt werden ouer den ganschen ærdbodem, tot eęner tuyghniß ouer alle volcken: end dan

[p. 46r]

zal het ende kommen.

15

^* Wanneęr ghy dan zien zullet den gruwel der verwoesting, waervan ghezegt is ^‡ door den propheet Daniel, staen in der heyligher plaetse, (Wie het leeßt, die versta het:)

* Marc.13 b.14 Luc.21.d.18

‡ Dan.9.g.27

16

Alsdan wie in dem Iœdschen lande is, die vliehe op de berghen:

17

Wie op het dack is, die dale niet hæraf om iet wt zynem huyze wegh te nemen.

18

End wie op dem velde is, die keęre niet weder te rugghe om zyne kleęders wegh te nemen.

19

Weę auer den beuruchtden end den zooghenden in dien daghen.

20

Biddet auer dat uwe vlucht niet gheschiehe im winter ^* noch op dem Sabbath.

* Act.1.b.12

21

^* Want alsdan zal eęn groote verdrucking zijn, welckerley niet gheweeßt is van beghinne der wæreld an tot nu toe, noch gheęnßins zijn zal.

* Dan.12.a.1

22

End zo die daghen niet verkortt waren, dar zolde gheęn vleęsch ⁺ zaligh werden: auer om der wtuerkorenen willen zullen die daghen verkortt werden.

+ Gr. beholden

23

Zo dan v iemand zegghet: ^* Zie ⁺ Christus hier, of daer: gheloouet’t niet.

* Mar.13.c.21 Luc.21.b.7

+ de Ghezalfde

24

^* Want dar zullen valsche ⁺ ghezalfden end valsche propheten opstaen, end zullen groote teękens end zeldßame din-

* Deu.13.a.1. 2.Thes.2.c.11

+ Christi

[p. 46v]

ghen ⁺ doen, alzo dat zy veruoeren zolden, zo het moghelick ware, oock de wtuerkorenen.

+ of, voorgheuen

25

Zie, ick heb’t v voorzegt.

26

Daerom zo zy v zegghen: Zie, hy is in der woestijne: gaet niet hénwt. Zie, hy is in den binnenkameren: gheloouet’t niet.

27

⁺Want ghelijckerwijß de blixem wtgaet vam Oosten, end schijnt tot in d’Westen: alzo zal oock zijn de toekomst des menschen Zoons.

+ C

28

^* Want zo waer het doode lichaem zijn zal: daer zullen zick de arends vergaderen.

* Iob.39.d.33 Luc.17.g.37

29

^* Auer ter stond na der verdruckinghe der zeluer daghen zal de zonn verdonckert werden, end de maen zal zijn schijnsel niet gheuen, end de sterren zullen wt dem hemel vallen, end de krachten der hemelen zullen beweeght werden.

* Marc.13.c.24 Luc.21.e.23 Esa.13.b.10 Ezech.32.b.7 Ioel.2.g.31 end .3.c.15 Apoc.6.c.12

30

^‡ End dan zal verschijnen het teęken des menschen Zoons in dem hemel: end dan zullen huylen alle gheslæchten der ærden, end zullen zien kommen des menschen Zoon in den wolcken des hemels, mit kracht end grooter heęrlicheyt.

‡ Dani.7.d.10 Matt.16.d.27 end .25.c.31 end .26.f.63 Marc.13.c.26 end .14.f.61 Luc.21.f.25 Act.1.b.11 2.thes.1.c.10 Apoca.1.b.7

31

End hy zal wtschicken zyne Enghels ^* mit eęnem grooten bazoengheluyde, end zy zullen vergaderen zyne wtuerkorenen van den vier winden, van eener hooghde der hemelen, tot der [anderer] hooghde der zeluer.

* 1.Cor.15.g 51 1.thes.4.d.16

32

^‡ An dem vijgheboom auer leęrnet

‡ Marc.13.d.28 Luc.21.f.27

[p. 47r]

eęn verghelijcking: wanneęr nu zijn tack teęr gheworden is, end de bladers wtghesproten zijn, ghy wetet dat de zomer naby is.

33

Alzo oock ghy, wanneęr ghy dit alles ziehet, zo wetet dat het na by den dœren is.

34

Amen ick zeg v: dit gheslæchte zal gheęnßins voorby gaen, tot dat dit alles gheschiehe.

35

^* De hemel end de ærde zullen voorby gaen, myne worden auer zullen gheęnßinns voorby gaen.

* Marc.13.d.31 Psal.102.d.27 Esa.40.b.8 end .51.b.6 Hebr.1.c.11

36

^‡ Uan dien daghe auer end vre weet niemand, ia oock niet de Enghels der hemelen, dan alleęn mijn Uader.

‡ Act.1.a.7

37

^* Auer ghelijckerwijß de daghen Noe waren, alzo zal oock zijn de toekomst des menschen Zoons.

* Luc.17.e.26 Gene.6.b.5 1.Pet.3.d.20

38

Want ghelijckerwijß zy waren ten daghen voor dem zonduloed, zy aten end droncken, zy trauwden end wurden ghetrauwt, ^* tot an den dagh dat Noe in de Arcke inghingk,

* Gene.7.b.7

39

⁺End bekenden’t niet voor dat de zonduloed quam, end nam ze alle hénwegh: alzo zal oock zijn de toekomst des menschen Zoons.

+ D

40

^* Dan zullen’der tweę op dem velde zijn, de eęn werdt medeghenomen, end de ander naghelaten.

* Luc.17.g.34 1.thes.4.d.17

41

Tweę malende in der mœlen, de eęne werdt medeghenomen, end de andere naghelaten.

42

^* Daerom waket: want ghy wetet niet te welcker vren uwe Heęr kom-

* Matt.25.a.13 Marc.13.d.33 Luc.12.e.40 end .21.g 33. 1.Thes.5.a.6

[p. 47v]

men zal.

43

^‡ Auer dit wetet, dat zo de huyßheęr gheweten had in welcker wake de dief zolde ghekommen hebben, hy zolde ghewißlick ghewaeckt hebben, end had zijn huyß niet doorgrauen laten.

‡ Luc.12.e.39 1.Thes.5.a.2 2.Pet.3.c.10 Apoc.3.a.3 end .16.c.15

44

Hierom zijt oock ghy bereyd, want des menschen Zoon zal kommen welcker vren ghy niet meynet.

45

^* Wie is dan eęn ghetrauw end klouckzinnigh knecht, welcken zijn heęr ghestelt heeft ouer zijn huyßghezinn, dat hy hen spijß gheue ter bequamer tijd?

* Matt.25.b.21 Luc.12.f.42

46

Gheluckzaligh is die knecht, welcken zijn heęr, wanneęr hy komt, alzo doende vinden zal.

47

Amen ick zeg v, dat hy hem ouer alle zyne hauen stellen zal.

48

Zo auer die knecht booß [is, end] in zynem herte zegt: Mijn heęr vertouft te kommen,

49

End beghint te slaen de medeknechten, ia oock te eten end te drincken mit den dronckenen:

50

Zo zal dies knechts heęr kommen ten daghe als hy deß niet verwacht, end ter vren als hy’t niet weet:

51

End zal hem entweęen klieuen, end zal zijn deęl stellen mit den huychelaren: ^* Daer zal zijn gheweęn, end tanden knærsseling.

* Matt.8.b.12 end .13.f.42 end .22.b.13 end .25.c.30 Luc. 13.f.26