Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xviij.

1

⁺ Ter zeluer stond ghinghen de leęrionghers tot Iesu end zeyden: Wie is doch de grootste in den kœningkrijcke der hemelen?

+ Marc.9.e.33 Luc.9.f.46 end .22.c.24

2

End Iesus riep eęn kindeken tot zick end stelde’t midden onder ze.

3

End zeyde: Amen ick zeg v, ^* ten zy dat ghy bekeęrt werdet end werdet als kinderkens, zo zullet ghy in’t kœningkrijck der hemelen gheęnßins ingaen.

* Matt.19.b.14 1.Cor.14.d.20 1.Pet.2.a.2

4

^* Daerom zo wie zick zeluen vernederet, als dit kindeken, deze is de grootste in den kœningkrijcke der hemelen.

* Iaco.4.c.10 1.Pet.5.b.6

5

^* End zo wie zulckerley eęn kindeken annemet in mynen name, die neemt my an.

* Marc.9.f.37 Luc.9.f.48 Ioan.13.c.20

6

^‡ Zo wie auer ærgheret eęnen van dezen kleynen die an my gheloouen, dem ware nutter eęn ⁺ mœlensteęn an zynen halß ghehanghen, end dat hy verdroncken wurde in der diepte der zeę.

‡ Marc.9.f.42 Luc.17.a.1

+ Gr. ezelmœlensteęn.

7

Weę der wæreld der ærghernissen haluen: ^* Het is wel noodigh dat dar ærghernissen kommen: weę nochtans dien mensche, door welcken de ærgherniß kommt.

* 1.Cor.11.d.19

8

^* Is auer dijn hand of dijn voet dy hinderlick, zo hauw ze af, end wærp ze van dy: Het is dy beter dat du krœpel of verlamd ten leuen ingaest, dan dat du tweę handen of tweę voeten hebbende, in d’eęwigh vuer gheworpen werdest.

* Deut.13.b.6 Matt.5.e.30 Marc.9.g.43 Rom.16.c.16

[p. 33r]

9

⁺End verhindert dy dijn oogh, zo treck ze wt, end wærp ze van dy: Het is dy beter dat du eęnooghigh in d’leuen ingaest, dan dat du tweę ooghen hebbende, in’t helsche vuer gheworpen werdest.

+ B

10

Ziet toe dat ghy niet verachtet eęnen wt dezen kleynen: want ick zeg v ^* dat hœre Enghels in hemelen altijd zien het anghezicht mijns Uaders die in hemelen is.

* Psal.33.b.8

11

^* Want des menschen Zoon is kommen zaligh te maken dat dar verloren was.

* Luc.19.b.10

12

^* Wat dunckt v? wenn eęn mensch honderd schapen hadde, end eęn wt dien dwaelde, laett hy niet de neghen end neghentigh end gaet hén op de berghen, end zouckt het dwalende?

* Luc.15.a.3

13

End zo het gheualt dat hy’t vinde, Amen ick zeg v dat hy daerouer meęr verurœght is, dan ouer de neghen end neghentigh die niet ghedwaelt hebben.

14

Alzo is het [oock] niet de will voor uwen Uader die in hemelen is, dat eęn van dezen kleynen verga.

15

^* Zondight auer dijn broeder an dy, zo ga hén end straf hem tusschen dy end hem alleęne: Hoort hy dy, zo hebst du dynen broeder ghewonnen.

* Luc.17.a.3 Leui.19.d.17 Pro.17.b.10 Eccl.19.b.13 Iacob.5.d.19

16

⁺Hoort hy auer [dy] niet, zo neem tot dy noch eęnen of tweę: ^‡ op dat alle word besta in tweęer of dryer tuyghen monde.

+ C

‡ Nu.35.d.30 Deut.17.b.6 end 19.d.15. Ioan.8.b.17 2.Cor.13.a.1 Heb.10.e.28

17

Gheeft hy auer hen gheęn ghehoor,

[p. 33v]

^* zo zeg het der Ghemeynte: Gheeft hy auer oock der Ghemeynte gheęn ghehoor, ^* zo zy hy dy als eęn Heyden end tollenaer.

* 2.thes.3.d.14

* 1.Cor.5.c.8

18

^* Amen ick zeg v, alles wat ghy op ærden binden zullet, zal in dem hemel ghebonden zijn, end alles wat ghy op ærden ontbinden zullet, zal in dem hemel ontbonden zijn.

* Matt.6.c.19 Ioan.20.e.23

19

Wederom zeg ick v, zo tweę onder v eęns werden op ærden, van wat dinghe het oock zy dat zy begæren zullen, zal hen gheschiehen van mynem Uader die in hemelen is.

20

^* Want waer tweę of dry verzamelt zijn in mynem name, dar bin ick midden onder hen.

* Luc.24.b.14 e.35

21

Doe ghingk Petrus tot hem end zeyde: Heęr, hoe menighmael zal mijn broeder an my zondighen, end ick hem quijtlaten? ^* Tot zeuenmael?

* Luc.17.a.4

22

Iesus zegt tot hem: Ick zeg dy niet, tot zeuenmael, ^* mer tot zeuentighmael zeuen [mael].

* Eccl.28.a.2 Matt.6.b.14 Marc.11.d.25 Colos.3.b.13

23

Hierom is het kœningkrijck der hemelen vergheleken eęnem mensche die kœningk was, welcker mit zynen knechten rekenen wolde.

24

End als hy angheuanghen had te rekenen, ward hem eęn voorghebracht die hem schuldigh was tien duyzend talentponden.

25

^+* Doe hy auer niet had te betalen, beual zijn heęr dat hy end zijn wijf end kinders, end alles wat hy had, verkocht wurden, end dat de betaling

+ D

* Matt.5.d.25

[p. 34r]

gheschiedde.

26

De knecht auer nedergheuallen, bad hem ootmoedighlick, zegghende: Heęr, zy langmoedigh te mywaerd, end ick zal’t dy alles betalen.

27

De heęr auer hertgrondlick dies knechts erbarmt, entslough hem, end liet hem de leęnschuld quijt.

28

Die knecht auer hénwt ghegaen, vand eęnen zyner medeknechten die hem schuldigh was honderd penninghen: end hem anghegrepen hebbende, worghde hy hem, end zeyde: Betael my wat du schuldigh bist.

29

Zijn medeknecht dan voor zynen voeten nedergheuallen, bad hem, zegghende: Zy langmoedigh te mywaerd, end ick zal’t dy alles betalen.

30

Hy wolde auer niet, mer ghingk hén, end warp hem in den kærcker, tot dat hy de schuld betaelde.

31

Doe auer zyne medeknechten zaghen dat dar gheschiedde, wurden zy zeęr bedrouft: end quamen end verklaerden hœren heęre alles wat dar gheschiedt was.

32

Doe riep hem zijn heęr tot zick, end sprack tot hem: Du booze knecht, alle die schuld heb ick dy quijtghelaten, dewijl du my badest:

33

Was het oock dy niet noodigh te erbarmen dijns medeknechts, als oock ick dijns erbarmt had?

34

End zijn heęr vertoornight, leuerde hem den pijnigheren ouer, tot dat hy betaelde alles wat hem in schulden

[p. 34v]

toequam.

35

^* Alzo zal v mijn hemelsche Uader oock doen, zo ghy niet quijtlatet wt uwen herten eęn ieghelick zynem broeder, zyne mißuallen.

* Matt.6.b.15 Marc.11.d.25 Iaco.2.b.13.