Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vij.

1

⁺ RIchtet niet, op dat ghy niet ghericht werdet.

+ Luc.6.e.37 Rom.2.a.1 1.Cor.4.a.5

2

Want mit welckerley gherichte ghy richtet, zullet ghy ghericht werden: ^‡ end mit welckerley mate ghy metet, zal v weder ghemeten werden.

‡ Marc.4.c.23 Luc.6.f.38

3

^* Wat ziest du auer de splinter die in dijns broeders ooghe is, end bemærckest niet den balck die in dynen ooghe is?

* Luc.6.f.41

4

Of hoe zalt du zegghen tot dynen broeder: Laet toe dat ick de splinter van dynen ooghe wtwærpe: end zie, de balck in dynen ooghe?

5

Du huychelaer ^* wærp eęrst den balck wt dynen ooghe, end dan zalt du wel zien de splinter wt dijns broeders ooghe wt te wærpen.

* Pro.18.c.17

6

^* Gheuet niet het heilighdomm den honden, oock wærpet niet uwe pærlen voor de zwijnen: op dat zy ze niet t’eęnigher tijd vertreden mit hœren voeten, end omghewendt, v niet verschœren.

* Pro.9.b.8. end 23 b.9

7

^* Begæret, end v zal ghegheuen werden: zoucket, end ghy zullet vinden: kloppet, end v zal gheopent werden.

* Iere.29.c.12 Mat.12.b.22 Marc.11.c.24 Luc.11.b.9 Ioan.14.b.13 end .16.c.24 Iacob.1.a.6 1.Ioan.3.d.22 end .5.c.14

8

⁺Want zo wie dar begært, die entfangt: ^‡ end zoe wie dar zouckt, die vindt: end den kloppenden zal gheopent werden.

+ B

‡ Pro.8.b.17

9

Of wat mensch is’er onder v, van welcken zo zijn zoon brood begæret, die hem

[p. 11r]

eęnen steęn gheuen zal?

10

End zo hy eęnen visch begæret, die hem eęn slang gheuen zal?

11

Zo ghy dan ^* dewijl ghy doch booß zijt, wetet goede gauen uwen kinderen te gheuen: hoe veel te meęr uwe vader die in den hemelen is, zal goede [gauen] gheuen den, die ze van hem begæren?

* Genes.6.b.5 end .8.d.21

12

^* Alles dan wat ghy willet dat v de menschen doen, deßghelijcken doet hen oock: Want dit is de Wet end de Propheten.

* Tob.4.c.16 Luc.6.e.31

13

^* Gaet hénin door de enghe poorte: want de poorte is wijd, end de wegh is breęd die dar afleydt ter verdærfniß: end vele zijn’der die daerdoor ingaen.

* Luc.13.e.22

14

^* Want de poorte is enghe, end de wegh is nauw die ten leuen afleydt, end weynigh zijn’der die dien vinden.

* 4.Esdr.7.a.7 end .9.b.14

15

^+* Hoedet v auer voor den valschen propheten, die tot v kommen in schaepskleęderen, inwendigh auer zijn zy grijpende woluen.

+ C

* Deut.13.a.3 Iere.23.d.16 Mat.24.a.4 Rom.16.c.16 Ephes.5.b.6 Colos.2.b.8 1.Ioan 4.a.1

16

An hœren vruchten zullet ghy ze kennen. ^‡ Uergadert men doch wijndruyuen van den doornen, of vijghen van den distelen?

‡ Luc.6.g.44

17

^* Alzo alle goede boom bringt goede vruchten voord: auer eęn vuyl boom bringt booze vruchten voord.

* Mat,12.c.33

18

Eęn goede boom kann gheęne booze vruchten voordbringhen, noch eęn vuyl boom goede vruchten voordbringhen.

19

^* Alle boom die gheęn goede vrucht voordbringt, werdt wtghehauwen end in’t vuer gheworpen.

* Iere.11.c.16 Mat.3.b.10 Luc.3.b.9

20

Zo zullet ghy ze dan an hœren vruchten kennen.

[p. 11v]

21

^* Niet eęn ieghelick die tot my zegt, Heęr Heęr, zal in het kœningkrijck der hemelen ingaen: mer die dar doet den will mijns Uaders die in hemelen is.

* Mat.25.a.11. Luc,6.g.46 end .13.e.23 Rom.2.b.13 Iacob.1.d.22.

22

^‡ Dar zullen vele tot my zegghen an dien daghe, Heęr, Heęr, hebben wy niet in dynen name ghepropheteert, end hebben wy niet in dynen name duuels wtgheworpen, end hebben wy niet in dynen name vele ⁺ krachtighe daden ghedaen?

‡ Ier.14.c.14 end .27.c.15 Luc.13.e.23 Act.19.c.13

+ Gr. krachten

23

⁺End dan zal ick hen belijden: ^* ick heb v noyt ghekennt: ^‡ Wijcket van my die dar Wetbrekery bedrijuet.

+ D

* Mat.25.a.12

‡ Psal.6.b.9 Mat.25.d.42 Luc.13.f.25

24

^* Daerom zo wie deze myne worden hoort, end de zelue doet, dien zal ick verghelijcken eęnen kloeckzinnighen manne die zijn huyß op eęn steęnrootß timmerde.

* Iere.17.b.8 Luc.6.g.47 Rom.2.b.13 Iacob.1.d.23

25

End dar viel eęn slaghreghen neder, end de waterstroomen quamen, end de winden wayden, end vielen teghen dat huyß, end het viel niet: want het was op eęn steęnrootß ghegrondeert.

26

^+* End zo wie deze myne worden hoort, end de zelue niet doet, die zal eęnen dwazen manne vergheleken werden die zijn huyß op het zand timmerde.

+ E

* Ezech.13.b.11 Rom.2.b.13 Iacob.1.d.23

27

End daer viel eęn slaghreghen neder, end de waterstroomen quamen, end de winden wayden, end stieten an dat huyß, end het viel: end zyne vall was groot.

28

^* End het gheschiedde doe Iesus deze worden vollendt had, de scharen versloughen zick ouer zyner leęre.

* Marc.1.b.22 end 6.a.2. g.52 Luc.4.e.32

29

Want hy leęrde ze als die dar macht hadde, end niet als de Schriftgheleęrden