Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.vi.

1

HOedet v dat ghy uwe aelmoessen niet gheuet voor den menschen, op dat ghy van hen beschauwt werdet: anders, zo hebbet ghy gheęnen loon by uwen Uader die in den hemelen is.

2

Wanneęr du dan aelmoessen gheefst, zo maeck voor dy gheęn bazoengheluyd, ghelijck de huychelaers doen in den Synagoghen, end op den straten: op dat zy van den menschen gheprezen werden. Amen ick zeg v, zy hebben hœren loon wegh.

3

^* Wanneęr du auer aelmoessen gheefst, zo wete dijn lincke hand niet wat dijn rechte hand doe:

* Rom.12.b.8

4

Op dat dijn aelmoessen in’t heymelicke zy, end dijn Uader die in’t heymelicke ziet ^* zal’t dy verghelden in d’openbare.

* Luc.14.c.14

5

End wanneęr du biddest, zo zy niet als de huychelaers: want zy bidden ghærne staende in den Synagoghen end an den houcken der straten, op dat zy den menschen schijnbaer werden. Amen ick zeg v, zy

[p. 9r]

hebben hœren loon wegh.

6

^* Auer wanneęr du biddest, zo ga in dijn binnenkamer, end dijn dœre toeghesloten hebbende, bid dynen Uader die in’t heymelicke is, end dijn Uader die in’t heymelicke ziet, zal’t dy verghelden in d’openbare.

* 2.Reg.4.e.33 Act.10.a.3

7

^+* End wanneęr ghy biddet, zo babbelet niet als de Heydens: want zy wanen dat zy door hœr veelspreken verhoort zullen werden.

+ B

* 1.Reg.18.e.26 Esa.1.d.15

8

Werdet dan den zeluen niet ghelijck: want uwe Uader weet wat ghy behouuet, eęr ghy van hem begæret.

9

^* Daerom biddet ghy alzo: Onze Uader die du bist in den hemelen, dyne naem werde gheheylight.

* Luc.11.a.2

10

Dijn Kœningkrijck komme. Dyne wil gheschiehe oock op der ærden als im hemel.

11

Onze ⁺ daghlick brood gheef ons huyden.

+ Of, leefdurftigh of wezentlick

12

End laet ons onze schulden quijt, als oock wy onzen schuldenaren quijtlaten.

13

End voer ons niet in verzoucking: mer verloß ons van den ^* boozen. Want dijn is het Kœningkrijck, end de kracht, end de heęrlicheyt in eęwigheyden. Amen.

* Mat.13.c.19

14

^* Want zo ghy den menschen hœre mißuallen quijtlatet, zo zal v oock uwe hemelsche Uader quijtlaten.

* Marc.11.d.25 Colos.3.b.13 Eccle.28.a.2

15

^* Zo ghy auer den menschen hœre mißuallen niet quijtlatet, zo zal oock uwe Uader uwe mißuallen niet quijtlaten.

* Matth.18.d.35 Iaco.2.b.13

16

Wanneęr ghy auer ^* vastet, zo zijt niet

* Esa.58.a.3 Mat.9 b.14 Marc.2.c.18 Luc.5.f.33

[p. 9v]

trœrzichtigh als de huychelaers: Want zy verduysteren hœre anghezichten, op dat zy den menschen schijnen, te vasten: Amen ick zeg v, zy hebben hœren loon wegh.

17

Wanneęr du auer vastest, zo zalf dijn hoofd, end wasch dijn anghezicht:

18

⁺Op dat du den menschen niet schijnest, te vasten, mer dynen Uader die in’t heymelicke is: end dijn Uader die in’t heymelicke ziet, zal het dy verghelden in d’openbare.

+ C

19

^* Legghet v gheęne schatten op op ærden, daer de roest end de motten schenden, end daer de dieuen doorgrauen end stelen.

* Pro.23.a.4 Eccle.29.b.12 Iacob.5.a.1

20

^* Legghet v auer schatten op in den hemel, daer noch roest noch motten schenden, end daer de dieuen niet doorgrauen, noch stelen.

* Luc.12.e.33. 1.Tim.6.d.19

21

Want waer uwe schatt is, daer zal oock uwe hert zijn.

22

^* De oogh is de kærsse des lijfs: Wanneęr dan dijn oogh eęnuoldigh is, zo zal dijn gansche lijf luchtigh zijn.

* Luc.11.e.34

23

^* Wanneęr auer dijn oogh booß is, zo zal dijn gansche lijf duysterigh zijn. Zo dan het licht dat in dy is, duysterniß is, hoe groot zal de duysterniß zelue zijn?

* Eccle.31.b.13

24

^* Niemand kann tweęen heęren dienen. Want of hy zal den eęnen haten, end den anderen lief hebben: of hy zal den eęnen anhanghen, end den anderen verachten. Ghy konnet niet Gode dienen end den Mammon.

* Luc.16.c.13

25

^* Hierom zeg ick v, zijt niet bekom-

* Psal.55.d.23 Luc.12.c.22 Philip.4.a.6 1.Tim.6.b.8 1.Pet.5.c.7

[p. 10r]

mert vœr uwer ⁺ ziele, wat ghy eten end wat ghy drincken zullet: noch vœr uwen lijue, wat ghy andoen zullet. Is de ziel niet meęr dan de spijß, end het lijf dan de kleęding?

+ Ziel vœr, leuen.

26

^+* Ziet de voghels des hemels an: want zy zayen niet, noch mayen niet, zy zamelen oock niet in de schueren, end uwe hemelsche Uader voedt ze. Gaet ghy die niet veel te bouen?

+ D

* Iob.39.a.3 Psal.147.b.9

27

Wie auer onder v zick bekommerende, kann tot zyner lengden eęn cubitmate toedoen?

28

End waerom zijt ghy bekommert vœr de kleęding? Nemet waer de lelien des velds, hoe zy wassen: zy arbeyden niet, noch spinnen niet.

29

Nochtans zeg ick v, dat ia Salomon in aller zyner heęrlicheyt niet bekleędt is gheweeßt, als dezer eęn.

30

Zo dan God het graß des velds, welck huyden [op den velde] is, end morghen in den ouen gheworpen werdt, alzo bekleędt, zolde hy niet veel meęr v [bekleęden] ghy kleyngheloouighen?

31

Zijt dan niet bekommert, zegghende: Wat zullen wy eten, of, wat zullen wy drincken, of, waermede zullen wy bekleędt werden?

32

Want na allen dezen dinghen zoucken de Heydens: Want uwe hemelsche Uader weet dat ghy deß alles behouuet.

33

^* Zoucket auer eęrst het kœningkrijck Godes, end zijn gherechtigheyt: end dit alles zal v toeghelegt werden.

* 1.Reg.3 b 13. Psal.37.e.25 end .55.d.23. Sap.7.b.11.

[p. 10v]

34

Daerom zijt niet bekommert vœr den morghen: want de morghendagh zal vœr t’zyne bekommert zijn. De dagh heeft ghenough an zijn quale.