Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

§ De Artikels of hoofdstucken des Gheloofs. Credo in Deum.

WY gheloouen in eenen God alleyn,

[fol. 156r]

 

 

Schepper des hemels en der ęrden,

 

Onser aller Vader ghemeyn,

 

Die ons laett syne kinders werden,

 

Hy wilt ons altyd ghenęren,

 

Lyf end siel oock wel bewaren,

 

Allɇ ongheual wilt hy węren,

[fol. 156v]

 

 

Gheen leyd sal ons teghenvaren,

 

Hy sorght end waeckt voor ons, dagh end nacht,

 

Het staet alles in syner maght.

 

 

 

Wy gheloouen in Christum all ghelyck,

 

Synen Sonɇ end onsen Heere,

 

Erfachtigh in syns Vaders ryck,

 

Ghelyck God van maght ende eere.

 

Wt Marien der maeghd sade

 

Ons een ware mensch gheboren,

 

Door Gods Gheest, wt louter gnade,

 

Voor ons door de sond verloren,

 

Aen t’cruyß ghestoruen, end gheleyt

 

I’nt graf, tot syns doods sekerheyt.

 

 

 

Ten derden daghɇ om onß gherechtigheyt

 

Vanden dooden is opghestanden,

 

Door s’Vaders kracht in heerlicheyt,

 

Verlossendɇ ons wt s’vyands banden.

 

Is ten hemel op verheuen,

 

Van der ęrde in’t openbare.

[fol. 157r]

 

Sitt Gods rechter hand beneuen,

 

Voor ons een recht Middelare:

 

Van-waer hy ten eynde komen sal

 

Richten leuendɇ end dooden all.

 

 

 

Wy gheloouen in den Heylighen Gheest,

 

God mit den Vader end den Sone,

 

Die ons troost end maeckt onbevreest,

 

Ende verciert mit gauen schoone.

 

All de Christenheyt verheuen,

 

Tot rechtɇ eenigheyt begheuen,

 

Welcker de sond werdt vergheuen.

 

Dat vleesch sal noch weder leuen.

 

Nae desen iammer, is bereyd

 

Ons een leuen in eewigheyt.