Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

De thien Gheboden. Exod. xx. Audi Isarel.

HEf op dyn hert, open dynɇ ooren,
Hardneckigh volck in’t wederstaen,
De stem dyns Gods wil nv aenhooren,
End syn gheboden gade slaen.

[fol. 155r]

 

 

Ick bin (segt hy) dyn God, end Heere,

 

Die dy wt stranghen dienst heb brocht,

 

Daerom gheef ick dy dese leere

 

Heb neuen my gheen ander God.

 

 

 

2. Du salt dy gheen beelden doen maken,

 

Van eenigh dingk, t’eenigher stond,

 

Om die t’eeren, of groot te maken,

 

In hemel ęrdɇ of waters grond.

 

3. Ydelick dyns Gods naem ghepresen

 

In dynen mond niet neem noch bruyck,

 

Want hy niet onghestraft sal wesen,

 

Die den lichtuęrdelick ghebruyckt.

 

 

 

4. Ses daghen doe dyn węrck, mit maten,

 

Den seuensten heyligh mit lust,

 

Wil oock de dyne rusten laten,

[fol. 155v]

 

Want die Heer heeft dan self gherust.

 

Oeffen dy in d’woord, end mit lusten

 

Houd der Ghemeynten dienst in eer,

 

Op dat die Heer in dy magh rusten,

 

End syn węrck doen so langks so meer.

 

 

 

5. Vader end moe-der houd in węrden,

 

Op dat du lang leefst onghequelt:

 

End dat dy welga op der ęrden,

 

Daerop die Heer dy heeft ghestelt.

 

6. Werd oock gheen doodslagher beuonden.

 

7. Ouerspeel niet mit willɇ of daed.

 

8. Sy oock gheen dief te gheender stonden.

 

9. Gheen valsch ghetuygheniß bestaet,

 

 

 

10. Du salt dyne beghęrten dringhen,

 

Van huyse, wyf, dienstmaeghd end knecht,

 

Ossɇ, esel, end van alle dinghen

 

Daerin een ander is gherecht.

 

Onß sonden, Heer, wy hier wt męrcken,

 

Om welcker verghef bidden wy,

 

Wil ons t’ghelooue nv so stęrcken,

 

Dat wy dy voortaen dienen vry.