Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
§ Dauid bidt God om sulck een ghemoed dat hy de ghenade, gunste end vriendschap der godloosen, hoe groot end maghtigh sy oock syn, verwerpe, end de ghemeensaemheyt der vroomen aenneme. ICk roupɇ ęrnstlick tot dy, o Heer,
Wil dy tot my spoeden,
Myns roups stem mit dyn ooren hoor,
Na myns herten vermoeden.
| |
[Folio 140v]
| |
 Myn ghebed sy bereyd voor dy,
Ghelyck rueckbrandsel schoone,
End mynr handen opheffing vry
Laet oock voor dynen throone,
Als auond-offer wesen.
Wil eenen toom aen mynen mond
Heer, ghenadelick setten,
Mynr lippen dore t’aller stond
Wil oock deeghlick besetten.
Neygh niet myn hert tot boosheyt doch
Dat ick gheen boosɇ aenslaghen
Doe, mit den godloosen vol spot,
| |
[Folio 141r]
| |
Dat ick te gheenen daghen,
Oock van huer roofspysɇ ete.
De gherechte die slae my vry.
Ick wilt voor vriendschap achten:
End so hy oock beschelde my,
Als oly soet end sachte.
Die daer myn hoofd niet wonden sal,
Dies wil ick voor hen bidden,
Dat huere richters werden al
Afghestooten, door midden
Der steenachtigher plaetsen.
Op dat sy hooren hoe soet sy
Myn ghebed dat ick leyde,
Onß lidmaten die werden by
Des graefs monde ghespreyden,
Euen als een gheklouen hout
Of een ęrdɇ opghegrauen,
Myn ooghɇ auer, Heer, dy aenschauwt
Myn hopɇ ick dy toedraghe,
Laet niet vergaen myn leuen.
Behoed my voor den strick, o Heer,
Den sy my han ghespannen,
End door dyne ghenade teer
Voor der booßdadern spannen.
Męr schaf lieuer ghenadelick,
Dat de godloose menschen
Vallen in hueren eyghnen strick,
Dat ick na mynen wenschen
Daer en tusschen ontkome.
|
|