Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
§ De gheloouighen prysen God ouer huere verlossinghe, end twyfelen niet in hueren druck vander goedwilligheyt Godes t’henwaert, versekert dat na droufnissen volghen sal vertroostinghe. DOe nv die Heer wederbrochte
Sion, wt gheuangkniß swaer,
| |
[Folio 130r]
| |
 Van enckel blyschap ons dochte,
Dat wy droomden alle gaer:
Onse mond is ghewesen
Vol lachens, ouermits desen,
End onß tong vol lofsangks klaer:
Doe hebben, mit open kaken,
Die Heydens luydɇ aengheuaen,
Die Heer heeft seer groote saken
Ghewißlick mit hen ghedaen.
D’Heer ghedaen groote dinghen
Heeft mit ons, dies wy ontspringhen,
End syn mit vrueghden beuaen.
| |
[Folio 130v]
| |
Heer, onß gheuanghnen bring weder,
Die daer noch ouerigh syn,
So men de beken siet neder
Stęrck vloeyen door Zuyden wind.
Die daer mit tranen saeyen,
Sullen mit vroeylickheyt maeyen,
End hooghlick ghetroostet syn.
Die daer syn saeysaed mit duchten
End weenen gheworpen heeft,
Die sal doch niet eewlick suchten,
Hoewel hy een wyl so leeft.
Męr syn vrueghd sal vermeeren,
Ghelaen sal hy wederkeeren
Mit synɇ handbuffelen swaer.
|
|