Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Ad Dominum cum tribularer. Psal.Cxx.

§ De Propheet begheert van lueghenachtighe tonghen ontsleghen te werden, sick beklaghende ouer de godloosen, om dat hy mit hen gheen vrede (die hy souckt) kan vinden.

WAnneer ick was in teghenspoed,
So riep ick God aen, mit der spoed,
End hy heeft my, mit blyden schyne,
Verhoort, so hy alweghe doet

[fol. 125r]

 

 

De synen in drucks pyne.

 

 

 

Ach Heere God myn siel beuryd

 

Van valschen lippen t’alder tyd,

 

Die doch niet dan lueghens vertellen,

 

End hueren naesten onghemydt,

 

Tweetonghigh eewlick quellen.

 

 

 

Wat kan de valsche tonghe doen?

 

Anders dan twist end tweedraght broen?

 

Als eens stęrckens mans schęrpe pylen,

 

End kolen van geneuer groen,

 

So is sy t’aller wylen.

 

 

 

Ach, dat ick moet, als vrémdelingk,

 

In Misech syn, welck is een dingk,

 

(Om s’volcks boosheyt,) swaer te verdraghen,

 

In Cedars tenten oock ballingk

 

Blyuɇ ick te vele daghen.

 

 

 

Ick heb te lang ghewoont mit hen,

 

Die doch niet doen dan twistighen.

 

Als ick hen van vrede vermeldde,

 

So verworpen se sy daer hén,

 

End teghen my sick stelden.