Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
[Folio 108v]
| |
§ Hoe alle gheloouighen den warachtighen God Israels alleen moeten betrauwen, vreesen ende prijsen, want hy alleen goed, end almaghtigh is, daer alle andere versierde Goden krachteloos syn. NIet ons, niet ons, o eewigher Heer,
Męr dynen name gheef doch die eer,
Om dyn goedheyt end trauwen.
Waerom souden wy der Heydnen spot,
Syn, dat sy segghen: waer is huer God?
Welck ons mit recht, magh rauwen.
| |
[Folio 109r]
| |
 Want onse God in hemel is,
Hy maeckt alles wat hem ghelust,
Męr huer goden: wt goude fyn,
End siluer door menschen hand syn,
Sy hebben mond end spreken nicht,
Hebben ooghen, end gheen ghesicht,
| |
[Folio 109v]
| |
 Alleluya, looft den Heere.
Sy hebben ooren, end hooren niet,
Sy hebben oock nuesɇ end gheenen rueck,
Niet een onder hen allen.
Sy hebben handen end grypen niet,
Sy hebben voeten end gaen gheen treed.
Huer kele kan niet kallen.
Diese maken syn oock also,
End die daer op hopen daertoe.
Du huys Israels, end Aarons,
End die den Heere vreeset vroom,
Verhoopt doch op den Heere mild,
Want hy is dyn rechtɇ hulpɇ end schild.
Alleluya, looft den Heere.
God ghedenckt onser ghenadelick,
End sal ons seghenen eewelick,
Mit synɇ heylighe gauen,
Hy sal seeghnen t’huys van Israel,
End t’huys Aarons oock euen wel,
So verrɇ als sy gheloouen.
Hy sal seghenen alle, die
God den Heere vreesen alhie,
Weder sy kleyne syn of groot,
Die Heer sal v, in uwen nood,
Veel meer ander weldaden doen,
| |
[Folio 110r]
| |
Tot v, end uwen kindern vroom,
Alleluya, looft den Heere.
Des Heeren seghening v aenkleeft,
Die Hemel end ęrd gheschapen heeft,
End wat daer is beneuen.
Den Hemel voor sick houdt onse God,
Auer den menschen vry, voor huer lot,
Die ęrdɇ heeft hy ghegheuen.
De dooden sullen dy, o Heer,
Gheen lofdanck gheuen nemmermeer,
Noch die daer varen in de stil,
Hebben daertoe, noch hert noch wil.
Męr wy syn God tot lof bereyd,
Van nv aen tot in eewigheyt.
Alleluya, looft den Heere.
|
|