Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
§ In desen Psalm predickt Dauid de wysheyt, end bermhertigheyt Gods, welcke hy ghebruyckt heeft, in sonderheyt teghen d’Ioedsche volck.Singt op die wyse des eersten Psalms.ICk sal dy, Heer, dancken end louen
Wt den gheheelen herte myn,
Oock heymelick, end daer en bouen,
In der vroomen versameling.
S’Heeren węrcken, niet te doorgronden,
Syn groot, end werden ondersocht.
Van allen den, die t’allen stonden,
Daeraen eenen lust hebben doch.
| |
[Folio 105r]
| |
Syn węrck voorwaer aen alle syden,
Is enckel lof end heerlicheyt,
End syn gherechtheyt t’allen tyden,
Sal blyuen, ia in eewigheyt.
God die daer is gaer vol ghenaden,
Der bermhertigheyt toeghedaen,
Heeft niet willen synr wonderdaden
Ghedachteniß laten vergaen.
Den die hem steets hebben voor ooghen,
Heeft hy ghegunt den kost des monds,
End is (door trauwigheyt bewooghen)
Ghedachtigh gheweest syns verbonds.
Hy heeft daer de kracht syner węrcken
Verklaert synen volcke ghelieft,
Mit dat hy hen, tot huer verstęrcken,
Der Heyden ęrf ghegheuen heeft,
De węrcken synr eyghener handen
Syn slecht waerheyt end billickheyt,
End syn gheboden alderhande
Syn waer end enckel vasticheyt.
End syn beuest op sulcker wyse,
Dat sy eewlick bestandigh syn,
Want sy syn ghemaeckt alderwyse,
Wt trauwɇ end gherechticheyt fyn.
Hy heeft synen volcke ghesonden
Verlossing, end syn verbond frisch
Gheboden t’houden, t’allen stonden
Wiens naem heyligh end heerlick is.
Gods vreesɇ is der wysheyt beghinnen,
| |
[Folio 105v]
| |
Hy gheeft allen een recht verstand,
Die sick hierna rechten, mit sinnen,
Welcker prys heeft eewighen stand.
|
|