Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
§ Een beklagh der gheloouighen om der ghemeynten verstroeyinghe willen, end een aenroupinghe der hulpen Gods, teghen alle veruolghers. DIe Heydens syn, O Heer gheloopen
| |
[Folio 70r]
| |
 In dyn ęrfuɇ end hebben besmett
Dyn tempel, end tot steenen hoopen,
Hebben Ierusalem versett.
Sy hebben dynr knechten lichamen
Den voghelen, tot spyß ghestelt,
End t’vleesch dyner vroomen, by namen,
| |
[Folio 70v]
| |
 Den dieren des velds voorghestelt.
Sy hebben, als water, vergoten
Huer bloed rondom Ierusalem,
Daer was oock (welck ons heeft verdroten)
Niemand diesɇ heeft ten graef ghedaen.
Wy syn tot eenen spot bedeghen
Onsen nabueren, groot end kleyn,
Tot eenen lachter alle weghen
Leuen wy den die by ons syn.
Hoe langhɇ, Heer, sal dyn gramschap dueren,
End, als een vier, aensteken syn
Wil dyne toornigheyt doch stueren,
Ouer t’volck dat dy niet bekent:
End ouer rycken, die vol sonden
Dynen name niet roupen aen,
Want sy hebben Iacob verslonden,
End syn woonstee te niet ghedaen.
Wil nu voortaen niet meer ghedincken
Onß ouder sonden schuld end pyn,
Laet dyn ghenadɇ haestelick blincken
Op ons, want wy ellendigh syn.
Doe ons bystand, O God ghehuldigh,
Om dyns naems eeren wille stil:
Verloß ons, sy goed end gheduldigh
Onsen sonden, om dyns naems wil.
| |
[Folio 71r]
| |
Waerom souden die boose scharen
Segghen, waer is huer God? daerom
Wreeck, voor ons, d’bloed dyner dienaren
T’onrechte vergoten al om.
Tot dyn aenschyn laet komen t’suchten
Der gheuanghenen, end laet fyn,
Door dyn kracht, vry leuen end vluchten,
Die tot den dood gheeyghent syn.
Wil onsen nabueren verghelden,
In hueren schoot, Heer, sevenfaut
Den laster, daermit sy dy quelden,
End schand die sy dy deden staut.
End wy dyn volck, by dy ghepresen,
End het kudde dynr weyden breyd,
Sullen dy steets dancken voor desen,
End prysen ia in eewigheyt.
|
|