Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Deus misereatur. Psal.lxvij.

§ Dauid bidt den Heere, dat hy niet alleene den Ioden, mer oock den Heydenen mit syner kennisse begaue, also hy belooft heeft dat het gheschien sal, der haluen vermaent hy oock alle volcken, God te louen end te dancken.

GOd willɇ onser ghenadigh syn,

[fol. 62v]

 

 

End ons synen seghen gheuen,

 

Hy late lichten syn aenschyn,

 

Op ons, ten eewighen leuen,

 

Dat dyn wegh op ęrd werdɇ erkent,

 

End dyn saligheyt den Heyden,

 

Aen allen syden,

[fol. 63r]

 

 

T’volck dancke dy wel bekent,

 

Ia alle volcken blyde.

 

 

 

De volcken laet verblyden sick

 

Om dat du hen goed recht wysest,

 

End dat du se beleydest frisch,

 

T’volck sal dy louen end prysen.

 

D’ęrd bringhe voort de vruchten syn,

 

God gheuɇ ons synen seghen,

 

Altyd te deghen:

 

God seghenɇ ons, end hem fyn

 

Vreese t’volck, alle weghen,