Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
§ Dauid protesteert van syn goede consciency, teghen syn vyanden, sick gantslick eyghenende tot Godes dienste: welcken hy bidt dat hy hem beware, end erghens ter syden houde, voorsiende de groote straffe die God doen sal ouer die godloosen. Het is een Psalm bequame voor den die daer verdruckt syn onder de afgoden-dienaers. O Heer, hoed my myn recht,
Want ick heb recht end slecht
Ghewandelt hier opder ęrden.
Ick heb op dy myn hope
| |
[Folio 23r]
| |
 Ghesett, dies ick verhope
Dat ick niet beweeght sal werden.
O Heer, ick bidde dy,
Wil recht beprouuen my,
End my versoucken te deghen,
Myn nieren end ghedachten
Ondersouck mit aendachten,
End daertoe alle myn weghen.
Want ick heb dyn goedheyt
My voor ooghen gheleyd,
End wandelɇ in dyn waerhede.
Ick pleegh my te vermyden
Van lightuęrdighe lieden,
End van den beueynsden mede.
T’gheselschap der boosen
Haet ick, mit godloosen
Bin ick oock nemmer gheseten.
Ick sal wasschen myn handen
Mit onschuld, end omranden
Dynen autaer onuermeten.
Op dat ick monde ick
Dyn lof kondɇ end rycklick
| |
[Folio 23v]
| |
Vertellɇ all dyn wonderdaden.
Dyns huyses wooning Heere
Lieuɇ ick, end dyner eere
Hutt, daer du toonst dyn ghenade.
My mit den boosen niet
Laet vergaen, noch my mit
Den die na bloedsturting dencken,
Die daer hebben voor handen
Schalckheyt menigherhande,
End de rechtɇ hand vol gheschencken.
Męr ick wandele vry
Mit ontschuld, verloß my
End wil my gnade bewysen.
Myne voet is vast seere,
Daerom sal ick den Heere
Oock in der Ghemeynte prysen.
|
|