Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons
(1561)–Jan Utenhove–
Auteursrechtvrijde thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte
Hier werdt verklaert mit welckerley dueghden verciert moeten werden de warachtighe burghers der hemelen. O Heer, wie sal in d’hutte dyn
Verkeeren mit allerley lusten?
Wie sal doch so ghelucksaem syn,
Dat hy, door dyn ghenade fyn,
In dynen heylghen bęrgh sal rusten?
| |
[Folio 14v]
| |
Het sal de man syn sonder fael
Die eenuoudigh gaet in syn leuen,
End die daer recht doet ouer al,
End wiens mond, in syn herte sal,
Tot der waerheyt tuyghnisse gheuen.
Die mit syner tonghe niet doet
Achterklap tot eens anders schade,
End synen naesten niet misdoet,
Die synen nabuer oock behoedt
Datmen hem mit schand niet belade.
Die oock veracht de sondaers quaed
End eert die (door Godes ghenade)
Den Heere vreesen mit der daed,
Dye syn beloftɇ houdt sonder baet,
Ia als waert schoon tot syner schade.
Die syn gheld fyn onthoudet van
Woucker, end wilt gheen gauɇ ontfanghen
Ouer den onnooselen man,
Die sick hier in so draghen kan,
Sal stadigh blyuen in syn ganghen.
|
|