Hondert Psalmen Davids mitsgaders het ghesangk Marie, t'ghesangk Zacharie, t'ghesangk Simeons

de thien Geboden, de artikels des Gheloofs, t’ghebed des Heeren &c. ouerghesett in Nederlandschen dichte

Saluum me fac Domine. Psal.xii.

De Propheet beklaeght sick dat in der plaetse der waerheyt end gherechtigheyt daer niets sy ouer al dan lueghen end bedriegherie. End bidt den Heere dat hy daer in voorsie, om der toesegginghe syner waerheyt willen.

[fol. 12v]

DOe bystand Heer, t’is groot tyd nv ter stonden
Want der heyli-ghen hebben wy ghebreck,
Onder de menschen werden gheen beuonden
Die daer trauw syn van herten, end oprecht,

Een yeder spreeckt niet dan bedriegheryen
End lueghnen mit syn naesten allesins,
Syn lippen doen doch anders niet dan vleyen,
De mond spreeckt eens, het hert denckt andersins,

De Heer snydɇ af alle lippen die vleyen,
End de tong hoogh-romigh, sy segghen vry
Door onß tonghen sullen wy ons verbreyen,
Onß lippɇ is vry, wie sal onß meester syn?

Om den mistroot der bedruckten end t’suchten
Der armen spreeckt die Heer, ick sal opstaen.
End van den ton-ghen diese doen versuchten

[fol. 13r]

 

Se verlossen, end daervan gants ontslaen.

 

 

 

S’Heeren woorden syn, na der rechter węrden,

 

Reyne woorden ghelyck siluer te mael

 

Dat daer ghesuy-uert is fyn vander ęrden,

 

Ia dat reyn is ghesuyuert seuenmael

 

 

 

Dyn trauwɇ houd, Heer, end van desen geslachte

 

Ghenadelick vry ons in eewigheyt,

 

De boosen gaen omhęr na dat in maghte

 

Ghestelt werden de boosten ouer breyd.