11. ander Psalmen
(1559)–Jan Utenhove–
AuteursrechtvrijHet Argument des 83. Psalms.Dauid begheert van God hulpe tegen die omligghende onbesneden natien, die Jerusalem ende die ghemeynte Gods altijt sochten te vernielen, desen Psalm is oock een gebet der Christenen, teghen alle Tyrannen ende poorten der hellen, die de kercke Christi willen ouerweldighen. Deus ne sileas.
I V. Swijcht doch niet Heer, O God wilt niet stil wesen,
Verdraecht doch niet langher dit iammer wesen,
Dijn vianden Want sy sick steken op,
Die dy
| |
[Folio A6v]
| |
haten verheffen haren kop,
teghen dijn volck listelick sy raedtslaghen,
teghen dijn erf hebben sy raet gheslaghen.
Ga naar margenoot+
Sy hebben geseyt laet ons nu gantz wtroeyen
dat se niet meer volck zijn noch niet en bloeyen
Dat gheen ghewach sy des naems Israel,
Gherooft hebben sy en teghen dy rebel
Een bont gemaect Edom ende Dismaeliten
Moab oock gaer end die Gebaliten.
Amon daer toe, Amalech de Palestijnen
Die van Tyro ende Assur met den synen
Die kinderen Loth hulpe hebben ghedaen
Laet hen den loon met Madian ontfaen
Met Sysara en Jabin aen kysons beken
In Endor al vergaen, soo't heeft ghebleken.
Maeckt dat al haer vorsten als Oreb varen
Als Cheb, Sebach Salmana sonder sparen,
Die daer seyden laet ons de woonste Gods
Besitten vrij als het deel onses lots,
| |
[Folio A7r]
| |
Jerusalem latet ons nu vertreden
End het gantsche lant met alle syne steden.
O God wilt se als een Rat onghestadich maken,
Als een stoppel voor den wint door dijn wraken,
ghelijck een vuer dat een groen wout verbrant,
Ende als een vlam die de hooghe bergen brant,
So laetse fel dijn onstuym weder vinden,
Ende verslaetse met dyn harde draeywinden.
Haer aenghesicht wilt met schaemten versoecken,
op dat also sy dynen naem besoecken,
Maecktse beschaemt verslaetse in eewicheyt
Gantsch ongeacht brengt in verdriet en leyt,
Op dat hen mach dijn naem wel bekent werden,
Ende dat du bist de Heer allein op aerden.
|
|