26 Psalmen

Het Argument des CI. Psalmms.

¶ Hier wordt beschreuen het offici eener Christlicker Ouerheyt, hoe dat zy haer seluen stellen sal, de boose verwerpende ende de goede annemende. Waer in alle huysuaders een voorbeeldt harer offici hebben, om haer so in haer huysghesin te draghen.

[p. 34]

Misericordiam & iudicium.

I. V.

⁺ Uan goedtheyt end gherichte
Is’t dat ick nu wil dichten,
Dy wil ick singhen Heer,
Wijselick wil ick leuen,
In oprechtighe weghen,
Tot dat du tot my keerst.

Mit oprechten ghemoede,
Wil ick my voort an hoeden,
Te mynen huyse eenpaer,

+ Men moet God prijsen, ende wt der herten dat goddelick is soecken ende dat boos is haten.

[p. 35]

 

Uan t’boos wil ick my mijden,

 

Noch dat in ander lijden,

 

Want ick haet’t gantz end gaer,

 

 

 

⁺ Alle die van dy wijcken,

 

Haet ick oock derghelijcken,

 

So dat niet een van haer,

 

By my sal moghen blijuen:

 

Die een boos ghemoedt drijuen,

 

Die sullen oock van daer.

 

 

 

Ick sal oock niet bekennen,

 

Die haer tot schade wennen,

 

Die zynen naesten vrij,

 

Mit achterklap beschadight,

 

Die wil ick onghenadigh,

 

Uerwerpen verre van my.

 

 

 

Die mit grootscheyt beuanghen,

 

End hooghmoedt is behanghen,

 

Te lijden waer my pijn,

 

Mijn ooghe sal anmercken,

 

Die door t’ghelooue wercken,

 

Op dat sy by my zijn,

 

 

 

⁺ Die haer onnoosel draghen,

 

Welcke my wel behaghen,

 

Sullen mijn dienaers zijn,

 

Die omgaet mit bedrieghen,

 

Mit spotten end mit lieghen,

 

Sal in mijn huys niet zijn.

 

 

 

⁺ Maer de boosdoenders alle,

 

Wil ick bringhen ten valle,

 

Ouer het gantze landt:

 

Op dat de stadt des Heeren,

 

Rein worde, end hem vermeere,

 

Gods woordt an allen kant.

+ Hoe danigher ghemeynscap een gheloouighe hem wachten moet.

+ Mit hoe danighen men ghemeynscap hebben sal.

+ De ouerheit moet de boosdoenders straffen,