Een ghebedt voer t’smorghens in’t opstaen.
O Bermhertighe, Hemelsche Uader, ick dancke dy, dat du desen nacht so trouwelick voer my ghewaeckt hebst: dy biddende dat du my verstercken wil mit dynnen Heylighen Gheest, die my voort aen gheleyde, op dat ick desen dach, mitsgaders alle de daghen myns leuens bestelle tot alle gherechticheyt ende heylicheyt. End wat ick in handen neme, dat myn ooghe alltydt sy, om dyne eere te verbreyden, alle voerspoedt myns handels van dyne segheninghe verwachtende.
End op dat ick sulcke ghenade van dy verkryghe, wil my (volghende dyne belooftenisse) vergheuen alle myn sonden, die my hertelick leedt syn: End verlicht my myn herte op dat ick (alle wercken der duysternisse af gheleydt hebbende) als een kindt des lichts in een nyeuwicheyt des leuens wandele in alle godsalicheyt. Amen.
Auteursrechtvrij