25 Psalmen

¶ Het Argument des .101 Psalms.

¶ Hier wert beschreuen het officie eender Christlicker ouerheyt hoe dat sy haer seluen stellen sal, de boose verwerpende end de goede annemende. Waer in alle huysuaders een voerbelt haerer officie hebben, om haer so in haer huysghesin te draghen.

Misericordiam & iudicium.

I. V.

⁺ Uan goedtheyt end gherichte
Is’t dat ick nu wil dichten,
Dy wil ick singhen Heer,

+ Men moet God prysen, ende wt der herten dat goddelick is soucken ende dat boos is haeten.

[p. 36]

 

Wyselick wil ick leuen,

 

In oprechtighe weghen,

 

Tot dat du tot my keerst.

 

 

 

Mit oprechten ghemoede,

 

Wil ick my voert aen hoeden,

 

Te mynen huyse eenpaer:

 

Uan t’boos wil ick my myden,

 

Noch dat in ander lyden,

 

Want ick haet’t, gans end gaer.

 

 

 

⁺ Alle die van dy wycken,

 

Haet ick oock der ghelycken,

 

So dat niet een van haer,

 

By my sal moghen blyuen:

 

Die een boos ghemoedt dryuen,

 

Die sullen oock van daer.

 

 

 

Ick sal oock niet bekennen,

 

Die haer tot schade wennen,

 

Die synen naesten vry

 

Mit achterklap beschadicht,

 

Die wil ick onghenadich,

 

Uerwerpen verre van my,

 

 

 

Die mit grootscheyt beuanghen,

 

End hoochmoedt is behanghen,

 

Te lyden waer my pyn.

+ Hoe danigher ghemeinschap een geloouighe hem wachten moet.

[p. 37]

 

Myn ooghe sal anmercken,

 

Die door t ghelooue wercken,

 

Op dat sy by my syn,

 

 

 

⁺ Die haer onnoosel draghen,

 

Welcke my wel behaghen,

 

Sullen myn dienaers syn,

 

Die omgaet mit bedrieghen,

 

Mit spotten end mit lieghen.

 

Sal in myn huys niet syn.

 

 

 

⁺ Maer de boosdoenders alle,

 

Wil ick bringhen ten valle,

 

Ouer het gansche landt:

 

Op dat de stadt des Heeren,

 

Rein werde, end hem vermeere,

 

Gods wordt aen allen kant.

+ Mit hoe danighen men ghemeynschap hebben sal.

+ De ouerheit moet de boosdoenders straffen