25 Psalmen

¶ Het Argument des .32. Psalmms.

¶ Hier werdt grondelick gheleert, by d’exempel Dauidis hoe de mensche, mit den last syner sonden beswaert synde, tot salicheyt ende waerachtighen troost der consciencien gheraken mach.

Beati quorum.

I. V.

[p. 15]

 

⁺ O wel salich, wiens boosheyt is vergheuen,

 

End wiens sonden bedeckt syn in dit leuen.

 

Salich is hy, wien de Heer niet toeschryft

 

Syn sonde, end in wiens gheest gheen bedroch blyft.

 

 

 

Om dat ick dy myn mysdaet heb verswegen,

 

Mits myn roepen, myn beynen syn verdwenen,

 

Want my dyn handt beswaert heeft dach end nacht,

 

Myn sap is gaer tot somer droochten bracht.

 

 

 

Maer als ick dy gheopent heb myn sonde,

+ In wat stucken de salicheyt voor god gheleghen sy.

[p. 16]

 

End niet bedeckt, iae selfs als ick vermomtde,

 

Ick wil den Heer belyden myn misdaet,

 

Al teghen my, so vergaefstu myn quaet.

 

 

 

⁺ Hierom sullen alle heylighe aen alle syden,

 

Bydden tot dy Heer in bequaeme tyden:

 

So sullen sy beuryt syn ouer al,

 

Uoer wateruloet end allerley misual.

 

 

 

Du bist myn burch, van verdriet sulstu my vryden,

 

So sal ick my mit lofsanck gaer verbliden,

 

Uerstant end leer dyns wechs ick dy gheuen wil,

 

End mit myn ooghe dy gheleyt gheuen stil.

 

 

 

⁺ Wilt doch den peerde end mule niet ghelycken,

 

Die gheen verstant hebbben alsoo’t mach blycken:

 

Mit een ghebietmaer ghetemt meoten syn,

 

Op dat sy haer schicken nae uwen sin.

 

 

 

⁺Veel ongheluckx sal den godloosen naken:

 

Maer die den Heer vertraut, sal troosting smaken,

 

Ghy oprechte, in den Heer v verblyt,

 

Ende verhuecht v all, die rechthertich syt.

+ De voergaende lere dient allen gheloouighen tegen al wederspoet.

+ Alle menschen werden vermaent tot het annemen der voerseyder leere vande vergheffenissen der sonden.

+ Onderscheyt tusschen de godloose ende gheloouighe die de voerseyde leere ontfanghen.