25 Psalmen

¶ Het Argument des .23. Psalms.

¶ Hier wert beschreuen hoe ghelucksamich ende gherust sy een gheloouigh mensche in alle dinghen, die op de goedtheit des Heeren is rustende. Want hy de syne voed, troost regiert, ende beschermet als een herder syn schapen.

Dominus regit me.

I. V.

[p. 13]

 

⁺ Mijn God voedt my in ouervloet,

 

My kan gaer niet ghebreken.

 

Int groen gras hy my weyden doet,

 

Leydt my an de water beken.

 

⁺ Myn siel haer kracht,

 

Doer syne macht

 

⁺ Heeft hy weder ghegheuen:

 

⁺ En leyt my stil.

 

Om syns naems wil,

 

Ouer d’oprechte weghen.

+ God wilt syn schapkens, in siele ende lichaem voeden.

+ 2. Stercken ende troosten

+ 3. Leeren

+ ende onderwysen.

[p. 14]

 

⁺ Al waert schoon dat ick moeste gaen,

 

In’t dal des dootschen schadu,

 

So kond’ick niet vreesen daer aen,

 

Want du my by staet stadich,

 

Dyn roede ende staf,

 

Daer du mit straft,

 

Hebben my troost gheboden,

 

⁺ Und mynen disch,

 

Uercierstu frisch,

 

In myne vianden ooghen.

 

 

 

Du salst myn hooft mit oly schoon,

 

D’welck du seer klaer doet blincken,

 

End mynen beker tot den soom,

 

Wiltu daertoe vol schincken,

 

Dese goetheyt,

 

⁺ In eewicheyt,

 

Sal my haer gheselschap ionnen

 

So dat ick sal,

 

Sonder afual,

 

In’t huys des Heeren woonen.

+ 4. Tegen alle perikelen beschermen.

+ 5. Wonderlick vereeren.

+ 6. Tot den eewighen leuen bringe.