Heidelbergse catechismus
(1563)–Caspar Olevianus, Zacharias Ursinus–
AuteursrechtvrijChristelicke onderrichtinghe, ghelijck die in kercken ende scholen der cheur vorstelicken Paltz, ghedreuen oft gheleert wort
Vraghe.Dewijle dan het Gelooue, ons Christi, ende aller syner weldaden deelachtich maeckt, van waer koemt sulcken Ghelooue? | |
[Folio 17v]
| |
Antwoorde.De heylige Gheest wercket het selue in onse herten,Ga naar margenoota door de predicacie des heylighen Euangeliums, ende beuestiget denseluen door dat gebruyck der heyligher SacramentenGa naar margenootb. | |
Vraghe.Wat zijn de Sacramenten? | |
Antwoorde.Het zijn sienlicke heylighe Waerteeckenen ende Seghelen van God daer toe ingheset, dat hy ons door dat ghebruyck derseluen, de beloftenisse des Euangeliums des te beter te verstaen gheue, ende verseghele: Te weten, dat hy ons, van weghen des eenighen Offers Christi aent Cruyce volbracht, vergheuinghe der sonden, ende dat eewighe Leuen wt ghenaden schenketGa naar margenootc. | |
Vraghe.Zijn dan, beyde dat Woordt, ende de Sacramenten, daer toe inghestelt, dat sy ons ghelooue op dat Offer Jesu Christi aent Cruyce, als op den eenighen grondt onser salicheyt wijsen? | |
Antwoorde.Ja gewislick: want de heylige Geest leert int Euangelio, ende beuesticht deur de heylige Sacramenten, dat onse gantsche salicheyt alleen staet in dat eenige Offer Christi, voor ons aent Cruyce gheschietGa naar margenoota. | |
[Folio 18r]
| |
Vraghe.Hoe veel Sacramenten heeft Christus int Nieuwe Testament ingheset? | |
Antwoorde.Twee: Den heylighen Doop, ende dat heylighe Nachtmael. |
|