Kleyn liedtboecxken
(1633)–Pieter Jansz. Twisck–
AuteursrechtvrijNa de wijse: Van't voorste deel, O wijn, edel wijn met namen.
MEt oorlof vrienden in't scheyden
Vereer ick u dese voos,
De Heere wil u gheleyden
Gheluckigh, o jonghe roos,
Anders ist lieflijck bloeyen
Haest ghedaen,
In gherechtigheydt te groeyen
Blijft eeuwigh staen.
Als Pelgerims wilt u voeghen
Te keeren nae 't ander landt,
Laet u doch gheensins vernoeghen
Te blijven aen d'ander kant.
| |
[pagina 471]
| |
Wat is hier des menschen leven?
Min dan niet
Wie sou hier tot rust sich gheven
Die 't wel insiet?
Goet soet lieflijcke weghen
Wensch ick u voor een present,
Dat van u magh zijn verkreghen
'Tgheen nu noch niet is ontrent,
Op dat ghy eens wort vernomen
Frans en Ian,
Daer ghy noch niet zijt ghecomen,
Reyst voortan.
Na beter. |
|