Samle fersen (= Verzamelde gedichten)

Apelaria

Earm apefolk, wat binn' jim dom!
Frij, sûn en neaken wiene ús âlden:
Ha jim gjin flantrich pakje om,
Dan is de hele boel ferkâlden.
Jim rinne as peallen steil en stiif,
En kinne n't kliuwe, springe en rinne;
De lju, dy't dêr te wiis ta binne,
Binn' net yn tel, moatt' sûnder wiif.
Ik moat der sikerwier om laitsje,
Sjoch ik sa'n aap yn 't moaie baitsje;
Broek, jas en skuon binn' tige moai;
Mar sjoch dy swarte domme holle!
Al is in aap mei side omwuolle,
Dôch het syn lilkens skik noch roai!