Samle fersen (= Verzamelde gedichten)

Slieprige frijerij

't Wol net eine mei dat pearke:
Hja sa stiif, en hy sa'n sûch;
As frou Lot, sa steil sit Maaike;
Wopke wurdt ôfgryslik slûch.

Wat te dwaan? - Op 't lêst seit Maaike,
Wol foar d' âlfte of tolfte kear:
‘Wopke noch ris roke?’ - ‘Roke?
Tankje, ik rook.... ik.... rook net mear.’

[p. 128]

 

‘Dan in broadsje?’ - ‘Tankje.’ - ‘'n Pofke?’ -

 

‘Tankje.’ - ‘Dan wat rûkersguod?’ -

 

‘No’ - hy gappet - ‘'k wurd sa slieprich!

 

'k Woe.... of nee, ik moat mar fuort.’