Samle fersen (= Verzamelde gedichten)

Widzesankje foar 't smidsbern

Bern, do moast it kriten litte,
Sliepe, sliepe, swiet en blij;
Mem sil by de nane sitte,
Heite skript foar har en dy.
Hammer, klop!
Hark dy rop:
Leave, leave lytse pop!

Och, wêr soeste swier oer tille,
Lytse kening yn 'e plom?
Mem sil weitsje foar dyn wille,
Do bist heite leafde en rom.
Hammer, klop!

[p. 83]

 

Hark dy rop:

 

Hurd oan 't wurk; 't is foar ús pop!

 

 

 

No meist dreame yn swiete slomme,

 

Roeikje as 't eintsje op 't weagjend wiet;

 

Letter sill' de soargen komme,

 

Swiere suchten, djip fertriet.

 

Hammer, klop!

 

Hark dy rop:

 

Earlik wurk rêst segen op!

 

 

 

Slomje swiet dan, net mear kibje,

 

Memme libben, heite nocht;

 

Lit ús wille oan dy belibje;

 

Wês by alle leed ús ljocht.

 

Hammer, klop!

 

Hark dy rop:

 

Waachs, myn boi, ta 'n Stânfries op!