It jonge Fryslân

Sangen en rimen fen jonge Fryske skriuwers

[p. 133]

Soun en dôchs Siek.
fen
J. Jouwersma.

Langlêsten op in middei
Hie 'k my to sliepen lein;
Ik mymre, en hie al ringen
De wrâld farwol ta sein.

Ik sliepte net, ef 'k dreamde,
'k Wier siek, en ek mar min.
Ho freamd, det just in feintsjen
As ik sa dreame kin!

Sjoch, foar my stoe in famke,
In famke, och sa kreas;
En op de dyk in feintsje
Mei hynzer en mei sjeas.

Hja scoen' togearre ride;
Lykwol, hja hie net heard
Det 'k siek wier, ef hja winske:
‘Wier 'k by him, foar 't er steart!’

[p. 134]

 

Hja laei hjar hân do op my,

 

En kaem al tichter by,

 

En seach my djip yn d' eagen,

 

En snikkre, en pafte my.

 

 

 

‘Ik leau forsiker,’ sei hja,

 

‘Wy ha deselde kwael;

 

Salang astou der biste,

 

Kom 'k nea wer op 'e hael.

 

 

 

It feintsje, det der wachtet,

 

Wirdt hjoed de dei myn man;

 

O, mocht ik dy mar habbe;

 

Ho lokkich wier ik den!’ -

 

 

 

Hjir waerd ik kjel to wekker;

 

Ik seach forheard yn 't roun,

 

En frege, alhiel forbjust're:

 

‘Bin 'k siek of bin ik soun?’