Di koningin fan Skeba, of Salomo syn oue goudfelde in Sambesia

IX. 'n Rit na Salomo syn tuine en fywers.

Salomo syn Stalle en Pêrde. - 'n Gemeensame Rit en Gesprek. - Koninklike Raaisels. - Salomo syn Tuine en Fywers. - In syn fersegelde Fontyn. - 'n Ongelukkige Koningin. - Gesprek en Plan tussen Osifra en Hanes.

Di agtermiddag toen dit koel werd sou di Koning Salomo gaan uitry met di Koningin fan Skeba na syn tuine en fywers toe, en hy had las gegé, dat net

[p. 63]

twe rytuige moet ingespan worde, een fer hom en Balkis en di ander fer Hanes en Osifra.

En Salomo het 4 duisend trekpêrde en 12 duisend rypêrde, want 'n ruitery gaan altoos foor en agter hom as hy gaan uitry. Mar di slag het hy las gegé, om gen ruitery me te neem ni. Di stalle waar al di pêrde gehou worde is in kelders onder di kunsmatige foetstuk of onderbou wat hy gemaak het fer di tempel en di palyse; want di is gebou op twe ronde koppe met 'n kloof tussen in, toen het di koning eers grote mure fan onder laat opbou om ^sodoende twe grote gelyktes [platforms] te kry waarop di grote geboue kon geset worde. En di ruimte onder in is ni opgevul ni, mar gebou met pilare en ferwulwe, sodat onderin 'n menigte fertrekke is fer stalle en pakkamers en kamers fer bediindes.

Di deftigste pêrde en rytuige afkomstig uit Egipte, 'n persent fan Pinetem, word di agtermiddag ingespan' en Salomo en Balkis klim in di eerste, en Hanes en Osifra in di twede rytuige, met 'n enkele foorryer, en di koesiirs by elke rytuig.

Salomo syn gewone rytoer twemaal in di week is fan Jerusalem o'er Bethlehem na syn tuine en fywers, wat nog 'n end anderkant lê. Gewoonlik neem dit omtrent 4 uur tyd, fan 9 uur in di agtermiddag af [by ons 3 uur]. Dit is di tyd fan syn ontspanning, en dan neem hy gewoonlik di mees begunstigde fan syn froue by sig in syn rytuig, of een of ander fer name staatsamptenaar of freemde gesant met wi hy fertrouelik wil spreek. Dit is dan oek gewoonlik 'n héle opspraak an di hof as di Koning een fan syn froue tot di bisondere eer ferwêrdig, en ni selde is dit di oorsaak fan jalousi onder di froue en howelinge. Natuurlik het dit dan oek ni min di andag getrek toen di Koning di Koningin fan Skeba met sig in syn rytuig neem. En di gedagte was al dadelik dat di getal froue weer met een sal fermeerder worde.

Werkelik had di Koning oek nou tyd om met Balkis fertrouelik te gesels. Eers was di gesprek 'n nadere kennismaking o'er en weer, feral fan di lande en folke waaro'er hulle regeer. Salomo had feral baing te fra o'er di land fan Punt, en o'er di befolking en natuurlike gesteldhyd fan di land enferal fan di goudgrawery; want syn gees ondersoek alles en fan di land fan di suide het hy al lang ferlang om meer te weet.

Toen hulle naderhand al meer gemeensaam word begin sy syn wyshyd op di proef te stel met raaisels. Sy sê: -

‘ô Koning, ek het sofeul gehoor fan uw wyshyd en ferstand. Ek het gehoor hoe slim u 'n saak beslis het waar twe moeders anspraak maak op een kind. Mar hoe sou u dit nou uitwys as twe kinders as hulle klyn is stilletjiis omgeruil worde en hulle kom dit naderhand as hulle groot is eers agter, dat hulle self en baing andere daardeur bedriig is. Hoe sal hulle di ding dan weer reg kry? As so'n saak nou foor u kom, hoe sou u dit dan uitwys?’

En hiirmé stel sy haar yge gefal, mar in di feronderstelling dat Salomo niks weet fan di gehym fan haar geboorte en di omruiling fan haar en Hanes ni. Met 'n bedenkelike glimlag kyk Salomo haar an en sê: ‘Deur 'n twede ruil sou ek di eerste ruil fernitig, sodat elkeen weer op syn regte plek kom.’

Di antwoord maak haar dood stil fer 'n rukki, want sy is nou in di middel of Salomo fan di saak weet of ni. Mar Osifra het tog gesê dis 'n dipe gehym wat hulle ni mag openbaar ni. Daarom denk sy om hom ferder te pols en sy fraag: ‘Mar as hulle nou al in ferskillende léwensbetrekkings en grade fan ferbintenis is, hoe dan?’

Salomo glimlag weer en sê: ‘Reguit is di kortste pad, onreg kan alleen deur reg herstel worde, ni deur nuwe onreg ni. Daarom wat krom is kan ni reg gemaak worde ni. Mar di regte antwoord hiirop is 'n wederfraag: Wi is di gelukkigste dogter fan 'n brawe moeder, di wat as 'n angeneemde kind deur haar opgefoed worde as moeder, of haar yge dogter, wat deur andere opgefoed word en naderhand haar yge moeder ansiin fer 'n freemde?’

Hiiruit merk Balkis nou duidelik dat Salomo di gehyme fan haar afkoms weet. Sy perbeer nog enige frage en raaisels, mar telkens merk sy dat sy met hom ni kan uitkom ni; want hy antwoord haar dadelik, mar syn frage kan sy ni beantwoorde ni.

Hulle was nou oek al by Salomo syn tuine an Etam, omtrent 'n myl onderkant Salomo syn fywers. Di tuine leg in 'n noue mar frugbare kloof, di kloof self is beplant met allerhande soorte frugbome en di rante an weerskante is met terrasse of trappe opgebou en oek beplant met wingerde en frugbome.

[p. 64]

O'eral in di tuin en an di rante is klyne fywers en lushuisiis en sitplekke. Salomo klim toen uit met Balkis en Osifra en Hanes en gaan deur di mooiste deel fan di lustuine 'n wandeling neem. Enige geurige frugte biid hy di freemde gas an, om dit te fergelyk met di frugte fan haar land. Mar Balkis ferklaar dat in frugbaarhyd, in groei en in geur di frugte fan haar land tog nog di fan Salomo syn tuine o'ertref.

Nadat hulle daar wat ferkwik was ry hulle ferder na Salomo syn grote fywers, waaruit syn tuine bewater worde en oek met 'n o'erdekte waterlyding Jerusalem, feral syn palyse en tuine om di helling fan Sion en Moria, fan water foorsiin worde. Hiir moes Balkis erken dat Salomo syn bouwerke di fan haar land o'ertref, feral in di reusagtige stene waarmé di Fenisi'ers en Jode hiir bou. Mar daarteeno'er beroem sy sig dat haar land so waterryk is dat dit ni nodig is om sulke fywers en waterlydings te bou ni.

Toen neem Salomo fer haar alleen in syn fersegelde fontyn, bokant di bo'enste fywer. Dis 'n onderaardse fontyn, wat gesluit en fersegel is, sodat di koning alleen dit kan open. 'n Mens daal daarin af met 7 trappe en onder in is 'n kamer 10 elle lang en 5 elle breed. Langes an is nog 'n klynere kamer, alby uitgebou met stene ferwulwe. Di water spring op 4 plekke uit di rots, fanwaar klyne uitgelegde fore dit bring in 'n uitgemesselde kom of bak. Daarfandaan af loop dit met 'n onderaardse rioel tot in di fywers. Hiir in di fersegelde fontyn is 'n rusbank waarop Salomo en Balkis wat gaan sit, nadat hy fer haar eers wat fan di heldere, koele water laat drink het uit 'n goue beker, wat sy fer hom persent gestuur het.

Nou ry hulle met 'n meer reguit pad na Jeruzalem. Di son gaan weldra onder en in di frisse aandkoelte ferfolg Salomo en Balkis hulle gesprekke wat algemeensamer word. Mar di rit was di eerste kans wat Osifra en Hanes oek had om alleen met makaar te praat, nadat Osifra di forige aand di gehym fer hulle geopenbaar het. Hanes was regte neerslagtig fan di begin af. Sy het 'n ruk stil gesit, en bars toen uit fan di huil en sê an Osifra: -

‘Myn moeder! nou kan ek fer di eerste maal myn hart as kind an jou openbaar, hoewel jy altoos fer my goed was. Mar ek foel tog baing ferdritig in di laaste tyd. Di koning behandel my tog met so min agting Kyk, hoe goed was hy froeger fer my en nou fan morge met di ontfangs an di hof het hy gen notisi fan my geneem ni, en ni 'n enkele woord met my gepraat ni, en nou fan middag met di rit weer netso. Al syn andag is nou weer gewy an Balkis. Né, ek kan ni langer so'n léwe ferdra ni. Wat het ek fan myn léwe? Myn palys is myn tronk, en di koning syn liifde is so ferdeel dat ek daar niks an het ni. Gelukkige frou fan di eenfoudigste boer of werksman, wat mar een frou het, an wi hy al fyn liifde en agting betoon.’

Osifra, wat al lank di stemming fan Hanes gesiin het, hoewel sy dit wou wegsteek, sê toen: ‘Myn kind ek weet wat di gehyme bron is fan jou smart. Jy is ferliif op Elihoref en hy op jou. Mar jy is nou eenmaal 'n frou fan di Koning en moet dus jou rang en stand ophou. Perbeer nou mar om dit te ferset en fer jou op te beur.’

Na 'n ruk stilte sê Hanes: ‘Mar, ma, sal daar dan gen kans wees fer my om ooit uit di treurige toestand ferlos te worde ni? Ma weet mos fer alles raad, kan ma dan ni 'n plan maak om my te ferlos ni. Ek is gewillig om met Elihoref te ontflug en in di eensaamhyd, al was dit in 'n freemde land, te gaan woon. Sal ons ni kan ontflug na Egipte toe ni?’

‘Né, myn kind, ontflug kan 'n Koningin ni. Sy is oral bekend. Mar ek begin an iits anders te denk. Jy en Balkis lyk so eenders as 'n tweling. En dit lyk fer my di Koning is tog smoor ferliif op haar en sy op di Koning. Sal ons nou ni 'n plan maak fer 'n twede omruiling in di gehym ni, sodat Balkis hiir bly in jou plek, en jy terug gaan in haar plek as Koningin fan Skeba? Wat denk jy daarfan?’

‘Ja, mar dan moet Elihoref oek megaan met my, want anders is ek al te freemd in di freemde land.

Molik kan dit oek geskik worde, as di Koning gefraag word om fer Elihoref te laat same gaan om di land en di geskidenis daarfan fer di Koning te gaan beskrywe.’

‘Mar sal ons dan fer di Koning di plan laat weet?’ fra Hanes.

‘Né, dit moet ons eers siin. Molik is dit beter om dit met Balkis te maak en laat di Koning in di onsekerhyd tot jy eers weg is Mar laat dit an my

[p. 65]

om di plan uit te denk en uit te werk, en bly intussen mar stil en laat niks merk ni.’

‘Ja, myn moeder,’ sê Hanes, en gé haar 'n soen, terwyl 'n stille traan o'er haar wang rol. ‘Ferlos my tog uit di toestand. Ma weet nou self wat ongelukkige liifde is.’

Dit was di gesprek fan moeder en dogter in di skemeraand, waarna hulle di stadspoort in ry; mar ni foor dat Salomo en Balkis o'er en weer sig o'ertuig het fan 'n liifde wat te sterker is omdat dit nog ni ferklaar is ni.