Di koningin fan Skeba, of Salomo syn oue goudfelde in Sambesia

VIII. Besoek an Salomo syn palys.

Beskrywing fan di drifoudige Palys fan Salomo. - Di Libanon Palys. - Pragtige Binnehof. - Di Troonsaal. - Di Troon en Troongewelf met Fersirings. - Waterfywers, Plante en Dire in di Binnehowe. - Di Koningin en haar Persente. - Di Begroeting tussen haar en Salomo. - Syn Uitnodigings.

SO fluks het di ope maak fan di grafkelders onder di berg ni geforder ni. Di Boesmans kom mar laat smorrens, en gaan smiddags met hoog son weer weg, want hulle moes mar fer loop om anderkant di rifiir te gaan slaap, en al ons pogings om hulle o'er te haal om snags daar by ons te bly was puur ferniit. Dan is hulle mar lui en onhandig oek om te werk, en telkens skuiwe weer stukke af, want di berg is daar mar styl uit. So het dit 'n héle tyd geduur om di ingang weer ope te kry, en di klipdeur foor di andere ingang was fer ons te swaar om somar weg te skuiwe en ons was bang om weer so gou met dinamiit te werk fer nuwe instortings. Henni was al weer 'n paar male opstandig en wou di werk opgé, mar ons praat hom telkens weer om.

In di tussen tyd gaan ek mar an met fertaal fan di twede rol en forder goed, want ek het in al myn froegere studi nooit sofeul Hebreeus geleer ni; en ek word nou al heeltemaal gewend an di oue letters en di woorde en uitdrukkings, sodat ek ni meer so baing hoef op te soek in di woordeboek ni. Om hulle moed en belangstelling gaande te hou lees ek fer hulle al aande foor wat ek di dag fertaal het en dan gesels ons daar o'er. So laat ek nou weer 'n stuk folg wat ek fertaal het.

Di follende dag sou Balkis, di Koningin fan Skeba haar opwagting maak en Salomo haar forstelik ontfang, follens syn bestelling. Non had Salomo, sam^e met di Tempel 'n grote Palys laat bou. Mar di Tempel was in 7 jare tyd klaar en an di Palys het hulle 13 jare gebou. Dit het bestaan uit 'n dridubbele Palys, op en langs di berg Sion, wat daartoe an di kante eers opgemessel en met 'n brug o'er 'n boog an di Tempel op Moria verbinde was.

Di 3 Palyse was op 'n wonderbare kunstige maniir uitgeleg en geboud, di grootste kunstuk fan enige palys op di wereld. Deur 'n dubbele, fersterkte poort kom 'n mens eers in 'n grote, ope binnehof; met marmer fan ferskillende kleure is di floer en di binnesy fan di mure daarfan beleg. In di middel was 'n pragtige fontyn en marmere fywer, met allerhande waterplante en waterdire en fisse, en buiteom pragtige bome en plante, met fogels en ape en andere dire. Dit was 'n deel fan di koning syn studi en liifhebbery.

Teeno'er di buitepoort is an di anderkant fan di binnehof 'n o'erdekte gewelf met 'n regterstoel fan almuggim-hout, waarop di Koning soggens sit om regsake te beslis en gewone gesantskappe te ontfang. En ferderin, deur 'n twede poort, reguit in diselfde rigting is di beroemde Libanon Palys, met 'n ygebinnehof en kamers rondom, waarin syn 300 froue woon.

[p. 61]

An di linkerhand fan di eerste binnehof gaan 'n poort uit na di Palys fan Hanes, di Egiptise Prinses, en an di regterhand gaan weer 'n poort uit na di derde Palys, waar syn bywywe woon, en di was nog ni heeltemal klaar ni.

Di Koning had bepaal om di Koningin fan Skeba te ontfang in di binnehof fan di Libanon Palys, di pragtigste hof in al di Palyse, waar hy di hoogste forste ontfang en waar syn troon staan. Di binnehof of troonsaal is 100 elle [150 foet] lank en 50 elle [75 foet] breed, en 30 elle [45 foet] hoog, en rus an al 4 kante op pilare fan di sedere fan Libanon, an elkeen fan di 4 kante was 45, in 3 rye fan 15 elk, sodat di troonsaal gedeeltelik ope is in di middel en gedeeltelik o'erdek met 'n brede o'erdekte gaandery rondom. Bo op di pilare is fertrekke an 3 kante rondom, met 3 rye fensters wat uitkyk na makaar toe op di binnehof.

Oek hiir is in di midde fan di ope ruimte 'n fontyn en fywer met kristalheldere water, wat Salomo met 'n onderaardse waterlyding fan syn Fywers af breng. Di ope ruimte is oek beleg met marmer, mar so dat oral openinge is fer pragtige bome en plante uit ferskillende lande, en allerhande dire daarin. In di middel is di binnehof dus 'n ware Paradijs. Mar di ope gaandery buiteom wat 30 foet breed is rondom, di is fersiir met al wat di wêreld kosbaar en siirliks opbreng. Di toppe fan di sedere pilare is fan bo uitgewerk nes bome wat nog in di groei is, en di mooiste soorte fan klimop rank an di pilare op, an elke pilaar 'n andere soort. Rondom uit di gaandery gaan deure na andere fertrekke.

Teeno'er di ingang waar 'n mens in di binnehof kom is 'n ope gewelf, rustende op marmere pilare, met silwer foetstukke, goue kopstukke, en fan bo hemelsblou. In di middel fan di gewelf staan Salomo syn troon. Weerskante uit di muur kom 'n frisse springbron fan heldere water, wat in twe grote goue komme loop en daarfandaan o'erloop met pype na di middelste fywer. Di hele gaandery had 'n silwere lyswerk fan onder en 'n goue lyswerk fan bo rondom. Mar di gewelf waar di troon staan is geheel fan marmer met goud uitgeblom.

Di troon self is fan ifoor, met goue fersirings. Dit staan op 'n foetstuk fan 6 trappe, fan kostelike steen en weerskante fan elke trap staan 2 goue leeue, as bewakers fan di troon, en op di leunings nog 2 leeue. Di stoel self is fan pure goud. As imand di binnehof inkom, dan fal syn oog op di troon en di gewelf, wat blink fan di goud en edelgesteentes soos di son en maan en di sterre an di hemel. Agter di troon in 'n halwe sirkel, soos 'n reenboog, hang di 300 goue pronkskilde, en foor om di fersiirde rand hang di 200 goue pronkskilde wat twémaal so swaar is as di binneste. In di gewelf fan di troonsaal en buitekant om in di o'erdekte gaandery is 'n menigte goue drinkbekers, skottels en ander huisraad wat in di palys ni alleen fer gebruik, mar oek fer siraad geplaas is, en 'n rykdom en prag fertoon soos in gen ander palys fan di wêreld te kry is ni.

In al di poorte en ingange fan di palys staan Salomo syn wagte en ryksdinare, altyd opklimmende in hogere rang en fersiir met deftiger kléding.

Toen di Koningin Balkis di oggend Salomo sou besoek het sy deur haar ministers eers haar persente in orde laat maak. Sy had 100 slawe en 100 slafinne gebreng, almal eenders angetrek en di dra elkeen 'n baar goud en andere kosbare persente, en haar twe ministers wat weerskante fan haar loop dra di een 'n goue kroon met edelgesteentes fersiir en di ander 'n goue septer, en di slawe kom agteran. Elihoref met Osifra en Hanes loop foor haar uit om haar te gely tot by di koning. Sy self was gekleed in 'n pragtig witte gewaad, gestik en opgeskik met hemelsblou en purpur, ferder was sy fersiir met alle juwele en kostelike gesteente en alle hoofspesery en kostelike reukwerk, sodat dit selfs an di deftige en weelderige hof fan Salomo 'n opspraak was. En algemeen werd haar mooihyd geroem en trek di gelykenis tussen haar en Hanes di an dag.

Toen sy naby di troon kom waarop Salomo sit, omring deur syn raadslide en howelinge, klim hy fan syn troon af en omhels haar hartelik en heet haar welkom. Sy sê toen: -

‘ô Koning, leef in eeuighyd! Di woord was waar wat ek in myn land gehoor het fan uw rykdom en heerlikhyd. En ek het di woorde ni geglo ni, totdat ek self gekom en met myn yge oge gesiin het ni. En kyk, di helfte was my ni angesê ni. Met wyshyd en met rykdom o'ertref u di gerug wat ek gehoor het.

[p. 62]

Gelukkig is uw manne, ja gelukkig is hiir-di knegte fan u wat gedurig foor uw angesig mag staan en uw heerlikhyd siin en uw wyshyd hoor. Geloof sy Jawê, uw God, wat behage in u gehad het, om u op di troon fan Isra'el te set! Omdat Jawê Isra'el tot in eenighyd bemin, daarom het Hy u tot koning gemaak, om reg en geregtighyd te doen. Ontfang nou uit di hand fan uw diinsmaag di slawe en di geskenke wat ek fer u gebreng het fan myn land af as 'n teken fan agting en respek.’

Sy neem toen met haar yge hand di kroon en di septer uit di hande fan haar ministers en gé dit in di hande fan Salomo; en hy buig en neem dit an en gé dit an syn ministers om dit op syn troon te set. Daarop spreek hy haai aldus an: -

‘ô Koningin fan Skeba! Uw besoek maak fandag er my tot di gelukkigste dag fan myn léwe. Fan alle forstelike gesante uit alle lande was gen een my so angenaam as di fan u. Dikwils het ek ferlang om di Koningin te siin fan di ryke goudland, fanwaar ek sofeul rykdomme ontfang het. Di kroon op myn hoof is fan fyne goud uit uw land. Di edelgesteentes wat myn kroon fersiir is uit uw land. Di ifoor en goud, di goue skilde en al di goue gereedskappe is uit uw land. Di wirook wat in di tempel fan Jawê brand en di goud wat di tempel fersiir, is uit uw land. Driwerf welkom, Koningin fan di Suide! Ek het net een begeerte: maak al uw wense an my bekend, en al uw begeertes sal geskide en wat uw hart ferlang sal gebeur. Nou het ek een fersoek: dat u agtermiddag met my uitry na myn tuine en fywers en morge aand met my eet an myn tafel.’

‘Uw woord is wet, ô Koning!’ antwoord di Koningin met 'n buig.

Daarop gaan Salomo met syn ministers en di Koningin fan Skeba met haar ministers en Elihoref met Osifra en Hanes in een fan di sy-kamers, terwy^l di hofbeambte en dinare di geskenke uit di hand fan di slawe ontfang en berg.

Hiir was 'n rusplek waar ons 'n bitji gesels. Henni was weer di eerste wat sê: ‘Mar hoor, dan het di oue mense daarom baing goud hiir uit di land uit kom haal.’ Ek sê toen: ‘Ja, laat ons perbeer om 'n bitji dit by benadering te bereken. Eers lees ons dat Salomo syn skippe 420 talente goud gebreng het. Wel, sofer as ons weet is 'n talent omtrent £375, want di oue mense het di goud en silwer afgeweeg met di skaal. Dan sou di waarde daarfan gewees hê £157, 500. Dan lees ons dat di Koningin fan Skeba fer Salomo persent gebreng het 120 talente goud, dis di waarde fan £45,000. En dan weer dat di gewig an goud, wat Salomo elke jaar ingekry het was 666 talente dis £249,750. Reken ferder mar net dat hy 500 skilde fan goud laat maak het, buiten al di goud fan di tempel en fan syn Palyse.’

‘Mar dan het hulle al di goud uitgehaal,’ sê Henni. ‘Dis puur ferniit dat di prospekteerders nou al di oue myne naloop en afpen en ope grawe.’

‘A né, Henni,’ sê Neef Gideon, ‘kyk, het jy dan ni gesiin oral waar hulle di oue myne ope maak kry hulle mos weer di ryke riwwe onder. Kyk di Luipers Rif, onder an di Gwelo, daar het hulle di rif weer gekry op 50 foet diipte en in di grote stukke kwarts kan jy di stukkiis en strepe goed so dik as 'n mes syn rug op tiin tré afstand siin in di kwarts. Né, jong, as ons ni ons skatte hiir kry ni, dan moet ons mar gaan goud grawe; want hulle sal nog baing goud in di land uithaal.’

‘Ja,’ sê Neef Hendrik, ‘eenkeer het di Jode hulle goud hiirfandaan gekry om hulle tempel te bou, en nou gaan hulle terug om hulle tempel te herbou en hulle sal weer hiir fandaan hulle goud moet kry.’

Daarop fal Henni in: ‘Dis seker daarom wat ek nou al so baing Jode op Bulawayo siin. Mar hoekom sou di oue mense dan opgehou hê met grawe, as daar nog so baing goud is?’

‘A dit moet di oue rolle ons nog fertel,’ sê ek daarop.

‘Nou Ja,’ sê Henni, ‘fertaal dan mar fluks op, want ek wil al te graag weet hoe di oue mense hiir in di land gewerk het en hoe dit met hulle gegaan het. Ek wens dat ek Hebreeus ken, dan het ek al lank di oue rolle dwars deur gelees. Dan gaan ek ni slaap foor ek di end het ni.’

‘Né, jy moet mar liwers siin om di gat ope te maak en di andere gat oek, dat ons di end fan di berg kan kry. Straks het ons di end fan di rolle foor ons di end fan di berg het -’ merk Neef Gideon an.

‘Nou ja, net morre moet di gat ope, ek wil weer di fername koningin gaan kyk; ek wil haar nou goed beskou -’ sê Henni.