De schadt-kiste der philosophen ende poeten

[p. xj]

Sonet Ter eeren Ioan Thievllier Deken van Peoene tot Mechelen.

GHeluckich is den geest, die hem wt Lethes vloedt
Naer Pegasus vertreckt, om hem met const te laeuen:
O! lieffelijck geluck der Heliconsche gauen,
Hoe deelt ghy uwe Deucht, met vollen ouervloedt?

Te recht heeft hy geluck die van dit hooghe goet

Sijn wensingh' heeft ontfaen, en is ter goeder haeuen:

O wel begaeffde ziel! die door geduerich slaeuen,

Sijt commen tot den wensch van u gewenscht ghemoet.

Thieullier ghy sijt de geen' die weerdich sijt te louen:

Oft haer die door haer cracht den geeft u sendt van bouen,

Ghy sijt, voorwaer ghy sijt die all' swacke cracht

In Hippocrene gaet tot ons vermaecken drencken,

Om dan u gauen rijck ons mildelijck te schencken,

VVaer door ghy eeuwich leeft in ons verlieft ghedacht.

Gvil: van Nievwelandt.

Anag. Dient vwen A.L.