De schadt-kiste der philosophen ende poeten

[p. 294]

Nievw liedeken op de wyse;
O weeldigh Holland vol practijcke.

O Ghy Galathea wel schone
Vlijd' niet comt siedt wye v bemind'
Ick sy Nepthunus weeld'ghen sone
Deurt liefdigh wesen ghy verwind'
Siet dit boomighe woud'
'T groen gheberghte aenshouwt
'Tis mijn
Soo oock't vee Iongh'en oud, wilt ghyt sal ons t'saem sijn.

Als ghy zijd' besiende v. leden

Vindtfraey ghemaeckt blosend 't aensicht
Ghelijck Aurora comt aentreden
Of Phebus die het al verlicht
Soo ghedenckt wederomm'
Mijn afcomst, macht rijckdomm'
En haeff
Die ick met my reynblomm' v wensch' ten morghen gaeff.

VVelaen de vriend'lijcke manieren

End' ghedant acht ick's waerdigh al
VVeest niet vluchtigh' O goedertieren
Schapen groot, menight van ghetal
gh'werden v ten opdracht
Seer dick wolligh ghevacht
Niet kael
Dees' onder daghen nacht, lammeren menigh mael.

Mijne geyt kens stonden noyt gelde

Gheuen melcke in ouervloed'
Halen voed sel van bloom' en velde
Noch glimmen swert als d'gitte doed'
D'rammen groff, en glat, met
Krullende hoornen net
Een lust
Diet wilds gheruysch hooret, als Nox vertreckt om rust.

Prince.

Princesse laet v hem ghewerden

Die ontalbaer runderen heeft
VVilt als Aglauros niet verherden
Prouft al't nut dat dit al mijn gheeft
Comt, comt, sonder beswijck
Al is Pan, herder rijck
Niemand'
Van die is mijns ghelijck, als ick spreeck davert 'tland.

Verbrught Onduchd'.