De schadt-kiste der philosophen ende poeten

[p. 291]

Nievw liedeken op de wyse;
O ghy ouericheyt, Diet swaert is toe geleyt.

O Ghy werck Meesters al

Van Dedalus getal
Schut doch mis val
Tracht niet om lof
Te maecken een dool hof
Met moyt int hert
Daer ghy selfs in verwert.

Oft Dedalus geuiel

Te maecken met Deriel
Vluegels suptiel
Dies hy om hooch
Deur die pracktijck wt vlooch
'T mocht v aen tijdt
Ontbreecken seer subijt.

Een Serpent vol fenijn

Cost daer verborgen sijn
Eer dat ghy dijn
Te recht bedocht
'tVVelck v verderuen mocht
Eer ghy het was
Bereydt hadt wel te pas.

Ghy Icaris geslacht

Dedalus leer slaet acht
V doch wel wacht
Van son en see
Niet als Icaris dee
Noch Phaethon
Die wow voeren de son.

Prince.

Oock Aragne propijs

VVow teghen Pallas wijs
Maecken om prijs
Een constich werck
Prins Princessen nemt merck
Dies die Godin
Haer verkeert in een spin.

Bemint doch Vreede.