De schadt-kiste der philosophen ende poeten

[p. 285]

Nievw liedeken; op de wyse:
Den tijt Onlanghs gheleden,

TIs lief' lijck om aenschouwen,,

Redenrijck hier te lant,,
Ende Consten vol trouwen,,
Homerus met verstant,,
Dichten schreef metter hant,,
Veel duysent veyrsen reyne,,
Ende sloot in een kleyne,,
Noote schelpe plaijsant,,

Orpheus cond' beweghen,,

Pluto door ghespeel soet,,
Arion daer en teghen,,
Den Delphijn metter spoet,,
'tMusica ghesangh vroet,,
Dede al sonder falen,,
Mijnerua neder dalen,,
Aen Hypocrenes vloet,,

Hiperides met reden,,

Socht mede met manier,,
Scherpheyt deur goede zeden,,
En Demosthenes fier,,
Constigh heeft ghewracht hier,,
Volget Isocrates na,,
Daer toe oock Rethorika,,
In Conste goedertier,,

Apelles met sijn Conste,,

Venus soo leuendt wracht,,
Dat menigh Iongmans Ionste,,
Hingh aen haer sijn ghedacht,,
Zeuxus Constigh bracht,,
Gheschildert een wijngaerde,,
Op wiens druijuen vol waerde,,
'tGhevoghelt viel met kracht,,

Prince.

Princen wilt reden soucken,,

Met Themes ghy gheraeckt,,
By Ioues om vercloucken,,
Met Rethorica waeckt,,
En den rechten sin smaeckt,,
Als getrouwe minnaren,,
Gaedt de Const openbaren,,
En Momus daden laeckt,,

Pieter Crijnen verveen Vaendregh van de Gouts Blomen, Wt Ionsten Begrepen.

Nae Winter Somer.