|
| |
| |
| |
Refereyn.
VErscheyden en diuersch, sijn de menschen ghemeen
Van ghevoelen en sin men vinter selde een
Ofte by en ghebruyckt, buyten sijn beroups seden
Eenighe eerlijck oeffingh', dit seggh'ick niet alleen
Maer met my noch Sextus, Cheronensis vol reden
Romulus die Romen, een der vernamste steden
Stichten, dien hadde lust, vermakelijck behaghen
In 't stenhouders vernuft, en handel die sy deden
Numa Pompilius, vreed soucker sonder plaghen
Sijn nae volgher gherust, vereerden 't sijnen daghen
Den Priesteren vernaemt die doen dienden de Goden
Paulus Emilius', die veel last hadd' te draghen
Hadde gheen lieuer volck, onder all' sijn ghenoden
Dan de zee-vaders stout, die baer noch wind verbloden
En met een vast bestaen, voerden hier en daer,, vracht
Bestendelijck in 't doen, nae des coopmans gheboden
Sulckx de gheneghentheydt, Natuerlijck in haer,, vracht.
BEhalven haerder Ampt, ghebiedinghe huyshouwen
Waer op elck alder meest moet letten mannen vrouwen
Soo als den Philosooph, Cleobulus ons leert
Ende dat de goedtheydt, ghetrouwigheydt voltrouwen
Wetenschappe verstand', en kenniss' onverkeert
Yder euen nae sijn, om 't werden ghehanteert
Ghelijck Bias bewijst, van Asien ghebooren
Soo heuet invoortijd' voortijd Scipio vroom begheert
Den hooplieden deur Ionst, bouen and're vercooren
Overmidts de sterckheydt, soo Cicero doed hooren
Is der fonteynen een waer deur de deuchde spruijt
Die gheen perijckel vreest, noch wat haer comt ter ooren
Nae Macrobius seyd' diet alten besten duijd
Camillus hield' met d'Iaght, al brocht het weynigh uyt
De wijle dies doen aen, eenen naem eerbaer,, bracht
'T eenen veer maeckeden dees, ghebruijckten ten besluijt
Sulckx de ghenegentheydt Natuerlijck in haer,, wracht.
| |
| |
TEn is verboden noyt, een mensche seer te prijsen,
Om sijnder deuchden will' dit mach men wel bewijsen,
Deur Philosoph, Poët, ende veele verstanden,
'sGhelijcks oock noyt belet, met goed berecht te spijsen
Malcander hier en daer, in stad off platter landen
Nochte niemande yet, te nemen byder handen
Des daeghs een vre of bet, ten verfraeyngh' der gheest
Wanneer die vermoeyt is, teghens vriend off vijanden
Midts arbeyd' ofte leer, somen veel schrijft, en leest
Dit is Gayus ceser, wel ghedachtigh gheweest
Ende heeft daer om seer den Goud'smeden bemindt
Octauius Augustus, Balslagers in't foreest
Caligula die had', den pluymstrijckers ghesint
Tiberius weerom, d'coppeldraeysters verblint
Den swaerdt dansers beroomt, nam Nero voor waer,, acht
D'wel schrijuers Claudius, elck prees 't sijn ick bevindt
Sulckx de gheneghentheydt, natuerlijck in haer,, wracht.
| |
Prince.
SIlla die schiep alleen, ind Wapenmakers lust
Daer teghes Marius, behaeghden aen syn kust
Den Beelde-snyders seer, Vespasianus goedt
Der Schilders vindingh reyn, was daer in heel gherust,
Titus werden, Verquickt, deur der muysickers groet
Domicianus quaed' droegh' binnen den ghemoedt
De Boogh-schutters jonst toe, daer en bouen en teghen
Marcus Aurelius, alleen d'gheleerde vroedt
Sijnde neerstigh en snel, tot d'consten vry gheneghen
Die Eufronius hem jongh onder wees te deghen
Daer neffens Gemius, Comodus'tsijnder tijdt
Als Grammaticam, en Musicam soet om pleghen
Ende wel-sprekenheydt, die in hem hadd' bevlijdt
Alexander Grecus, ontspreyende seer wijdt
d'Cosmography aldit, in 't minste niet swaer,, dacht
Haerder barende voort, uyt der herten ver-blijdt
Sulckx de gheneghentheydt natuerlijck in haer,, wracht.
Pieter Alchas Melchiorszoon
Practyck Maect Ryck.
|
|
Auteursrechtvrij