De schadt-kiste der philosophen ende poeten

[p. 253]

Nievw liedeken op de wyse;
Mijn lief seer excellent, vvilt my doch niet verlaten:

HOort naer t'soet snaar geluyt

Van Phebi hoogh verheuen,
Die deur haer strael brijnght vyt
Al dat ons hier doet leuen,
Blommen met kruyt,
Vruchten tot buyt,
Tmusen gefluyt,
Tot lof Rethoryca die bruyt.

Comt al ghy Minnaers soet

En wilt doch niet vertraghen,
Rethoryca maeght vroet
Heeft in v een behaghen,
Eeer Zoylus bloet,
V houd ghebroet,
VVijckt sijnen voet,
Met lof onse maeght bystant doet.

Klimt op twee spits gherecht

Siet naer Pegasus vloeden,
Kiest wijsheyt voor het slecht
En dat deur Palas voeden,
VVat sy v seght,
Zulck niet weerleght,
Vroom als een knecht,
Drijnght deur het oordeelens ghevecht.

VVie niet en ouerwint

En mach de Maeght niet krijghen,
Sy is soomen bevint.
VVeerdich daer voor te nijghen,
Vredich ghesint,
Als een kleen kint,
Haer ghordels lint,
Sy an haer deuchts Minnaren bint.

Prince.

Zijt ghy een recht Minnaer

Van onse Maghet reyne,
En vreest voor gheen ghevaer
Haer goet is alghemeyne,
VVant duysent jaer,
Deur liefde maer,
Diemen draecht haer,
En kan nymant vallen te swaer.

Oordeelt Onpartydich.

Myn vverck is Hemelick.