De schadt-kiste der philosophen ende poeten

(1621)–Jan Thieullier– rechtenstatus



[pagina 219]
Nievw liedeken op de wyse; Comt Iuno met der spoet. VErciert v schoon ghedaent, Ganimedes seer jeughdich, V aenschijn vocht betraent, Van hemels Nectar vreughdich, Troost Hebem v voorsaet, Die Schier is desperaet, Flora brenght uwen roosen,, crans Schout faunum met sijn boosen,, pans Treckt aen v nieu ghewaet. Comt al op dit gastmael, En wilt v sinnen scherpen, Al in Iunonis sael, Phoebus speelt op sijn herpen, Amphion met accort, Arion comt nou voort, Orpheus al met sijn snaren,, clanck Io soet comt met haren,, danck Iopas oock hier naer spoort. O Demodoce cloeck, En constighen Terpander, Phemi comt uijt den hoeck, Speelt hier onder malcander, Melpomene verstaet, Fraij die Mensure slaet, Comt singt speelt die musijcken,, soet Tot lof van Rhetorijcken,, vroet In Pallas hooghsten graet. Brengt voort Ambrosi broot, Ceres wilt op ons dencken, Bacche met v hooft bloot, Comt wilt den Nectar schencken, Nayaden comt ten tij, Brengt Cornucopi vrij, Pomona wilt niet toeuen,, meer Vertumnus comt v proeuen,, meer Napeen comt oock by.
Prince. Comt voort t'is open hof, Die Musen sijn hier meden, Die Pierides groof, En crijghen hier geen steden, Arachne is verfoeyt, Haer tonge is ghesnoeyt, Nereyden comt uyt Thetis,, dal Schout Acheron en Lethis,, val Vesta in schoonheyt bloeyt. In schoonheyt Bloeyende. Const vindt Herbergh.