Nievw liedeken op de wyse;
Ierusalem ô schoone stat.
WEest nu verblijt,, in desen tijt,
VVaer dat ghy sijt,, ghy Nymphen reenen,
V verjolijt,, sonder respijt,
Flora ontsluyt,, haer blomkens cleenen.
Ter jacht haer spoet,, Diana goet,
Haer honden doet,, sy willich jaghen,
Aurora soet,, haer oock ontmoet
Met Phoebus by den claren daghen.
Cupido schoon,, comt nu ten toon,
Venus gheeft loon,, al sonder beyden,
VVint nu de croon,, al in persoon
VVilt v te velde gaen bereyden.
Silla in't wout,, oock niet en flout,
Op't groene hout,, hoort mense quelen,
Al is bedout,, dat groene wout,
Men hoort oock singen Philomelen.
| |
Prince.
Ter eeren fier,, den Lauwerier,
Soo moet ick hier,, dit liet gaen dichten,
Hout goey manier,, sonder getier,
Peoen,, groen,, wilt my onderrichten.
Elck synen Tyt.
|
|
Auteursrechtvrij