De schadt-kiste der philosophen ende poeten

[p. 153]

Nievw liedeken op de wyse;
Het was een jongher helt.

Oft Mijn ziel maeckt groot den Heer.

COmt Atalanta vry,
Hippomenem is bly,
Hy heeft d'loopen ghewonnen,
Hy gaet neffens v sy,
Daer en is mensch, dunckt my,
Soo bly onder der sonnen.

De dry appelkens schoon

Gauen hem v persoon,
Van vrou Venus vercreghen,
T'was voor hem eenen thoon,
Dat hy ontfinck den loon,
VVant veel wasser versleghen.

De Goden danckbaerheyt

Doch niet langher en beyt,
Tmocht v qualijck becomen,
Ghy hebt samen ghereyt
Den wech wt liberteyt,
Ander is d'eer ghenomen.

Aragnes onuerstant,

Ghy erme slechte dant,
Pallas sal v doen trueren,
Ghy trodts-moedicheyt plant
Voor v eewelijck schant,
V rijck en sal niet dueren.

Prince.

Die de Musen versmaet,

Daer teghen singhen gaet,
VVaer wildy henen deysen,
Ghy snetert vroech en laet,
Ghy hadt te quaden raet,
VVilt v beter bepeysen.

In Maet kent Staet.