Nievw liedeken op de wyse;
Bedruckte hertekens.
Oft Ick was een clercxken dat lach ter schoolen.
COmt Pallas schoõ,, s'wijsheyts goddiñe
Ghy draegt de croon,, in wijsheyt reyn
Vwen persoon,, alleen ick minne,
VVant ghy geeft loon,, elck in't gemeyn.
Apollo soet,, een Godt verheuen,
Die daer ontdoet,, s'menschen verstant,
In oueruloet,, cont ghy ons geuen
Een hert seer vroet,, met const beplant.
Mercuri ghy,, sijt cloeck ter talen,
Vrolijck en bly,, is u gelaet,
Als Bode vry,, ghy snel gaet halen,
VVie dat hy sy,, die const aengaet.
Ghy opent daer,, Athlas schoon boeckẽ,
Die voor en naer,, seer constich sijn,
Ghy brengt in't claer,, met groot vercloeckẽ
VVijsheyt eerbaer,, met reden fijn.
| |
Prince.
Redenrijck fier,, minsaem Princesse,
Verselschapt schier,, als schoon en wijs,
Van negen hier,, als haer Matresse,
V fray manier,, maeckt loff en prijs.
In Viericheyt Groeyende.
Schovt den Strick des Dvyvels.
|
|
Auteursrechtvrij